మళ్లీ ప్రభాస్ తో ఇప్పట్లో సినిమా లేదు!: రాజమౌళి

రాజమౌళి తదుపరి సినిమా కోసం ఆయన అభిమానులంతా ఎంతో ఆసక్తిగా .. ఆత్రుతగా ఎదురు చూస్తున్నారు. ఈ నేపథ్యంలోనే ఆయన తదుపరి సినిమా మల్టీ స్టారర్ గా వుండనుందనీ, ఒక హీరోగా ఎన్టీఆర్ .. మరో హీరోగా చరణ్ చేయనున్నారనే వార్తలు షికారు చేస్తున్నాయి. ఇక ఈ సినిమా తరువాత మరో భారీ సినిమాను తెరకెక్కించడానికి కూడా రాజమౌళి ప్లాన్ చేస్తున్నారనీ, ఆ సినిమాలో ప్రభాస్ నటించనున్నాడనే వార్త ఫిల్మ్ నగర్లో జోరుగా షికారు చేస్తోంది.

 దాంతో ఈ ప్రచారం పట్ల రాజమౌళి స్పందిస్తూ .. 'నేను, ప్రభాస్ కలిసి 5 సంవత్సరాల పాటు పనిచేశాం. అందువలన కొంతకాలం పాటు కలిసి సినిమాలు చేయడకూడదని నిర్ణయించుకున్నాం. ఎవరి కమిట్మెంట్స్ వాళ్లకి వున్నాయి. అందువలన ఇప్పట్లో ప్రభాస్ తో సినిమా ఉండదు .. భవిష్యత్తులో ఆయనతో సినిమా చేసే అవకాశమైతే వుంది" అని చెప్పుకొచ్చారు.