భారత జట్టుకు కోచ్ కావాలనుకున్నా.. కానీ జరిగింది మరోటి!: గంగూలీ
- జీవితంలో ఎప్పుడేం జరుగుతుందో ఎవరికీ తెలియదు
- కోచ్ కావాలనుకుని ‘క్యాబ్’ అధ్యక్షుడినయ్యా
- గుర్తు చేసుకున్న టీమిండియా మాజీ సారథి
క్రికెట్ నుంచి వీడ్కోలు తీసుకున్నాక భారత జట్టుకు కోచ్ కావాలని ఆశించానని, అయితే దాల్మియా కారణంగా ‘క్యాబ్’లోకి రావాల్సి వచ్చిందన్నాడు. దాల్మియా తనను పిలిచి ఆరు నెలలు బెంగాల్ క్రికెట్ అసియేషన్లో ఉండమన్నారని గుర్తు చేసుకున్నాడు. ఆయన చనిపోయినప్పుడు క్యాబ్ అధ్యక్ష బాధ్యతలు స్వీకరించేందుకు ఎవరూ రాకపోతే తాను చేపట్టాల్సి వచ్చిందని తెలిపాడు. సాధారణంగా ఆ బాధ్యతలు చేపట్టడానికి కనీసం 20 ఏళ్లు అయినా పడుతుందని, కానీ తనకు క్రికెట్ నుంచి తప్పుకున్న వెంటనే వచ్చిందని దాదా వివరించాడు.
