ఫ్రాన్స్ లో దక్షిణాది 'క్వీన్' భామలు... బీచ్ లో సందడే సందడి!

టాలీవుడ్, కోలీవుడ్, శాండల్ వుడ్ 'క్వీన్స్' ఎవరు? అన్న అనుమానం వచ్చిందా? ఇంకెవరు? బాలీవుడ్ 'క్వీన్' రీమేక్ సినిమాలో నటిస్తున్న హీరోయిన్లు. టాలీవుడ్ 'క్వీన్' తమన్నా, కోలీవుడ్ 'క్వీన్' కాజల్‌ అగర్వాల్‌, శాండల్ వుడ్, మల్లూవుడ్ 'క్వీన్' మంజిమా మోహన్... ఈ ముగ్గురూ 'క్వీన్' రీమేక్ షూటింగ్ లో బిజీగా ఉన్నారు. ఈ సినిమా చిత్రీకరణ ప్రస్తుతం ఫ్రాన్స్ లో జరుగుతోంది.

 ఈ నేపథ్యంలో షూటింగ్ బాగా జరుగుతోందని చెబుతూ కాజల్ అగర్వాల్ ఫ్రెంచ్ రివీరా బీచ్ లో దిగిన ఫొటోను తన ఇన్ స్టా గ్రామ్ లో పోస్టు చేయగా, తమన్నా విమానంలో మెహందీ పెట్టుకున్న ఫోటోను పోస్టు చేసింది. ఈ ఫోటోలు వారి అభిమానులను అలరిస్తున్నాయి.

తెలుగు 'క్వీన్' కు నీలకంఠ దర్శకత్వం వహిస్తుండగా, తమిళ, మలయాళ, కన్నడ 'క్వీన్' కు రమేష్ అరవింద్ దర్శకత్వం వహిస్తున్నారు. ఈ సినిమా తెలుగులో 'క్వీన్' గా విడుదల కానుండగా, తమిళంలో 'పారిస్ పారిస్' గా విడుదల కానుంది. మలయాళంలో 'జామ్ జామ్', కన్నడలో 'బటర్ ఫ్లై' పేరుతో విడుదల కానుంది. ఈ నాలుగు చిత్రాలను ఏకకాలంలో చిత్రీకరించడం విశేషం.