విశాఖ మేయర్ ముక్కా శ్రావణి ఇంట విషాదం

Andhra
Advertisement
  • విశాఖ నగర మేయర్ ముక్కా శ్రావణి తండ్రి ముత్యాలనాయుడు కన్నుమూత
  • శుక్రవారం ఉదయం గుండెపోటుతో తుదిశ్వాస విడిచిన సీనియర్ నేత
  • తెలుగుదేశం పార్టీ ఆవిర్భావం నుంచీ కీలక నేతగా సేవలందించిన ముత్యాలనాయుడు
విశాఖపట్నం నూతన మేయర్ ముక్కా శ్రావణి ఇంట విషాదం నెలకొంది. ఆమె తండ్రి, తెలుగుదేశం పార్టీ సీనియర్ నేత, మాజీ కౌన్సిలర్ ముక్కా ముత్యాలనాయుడు గుండెపోటుతో కన్నుమూశారు. ఈ ఉదయం ఆయన అకస్మాత్తుగా తీవ్ర అస్వస్థతకు గురికావడంతో కుటుంబ సభ్యులు హుటాహుటిన విశాఖలోని ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధ్రువీకరించారు.

కూతురు ముక్కా శ్రావణి విశాఖ నగర మేయర్‌గా ఈ నెల 23న ప్రమాణస్వీకారం చేయాల్సి ఉండగా, అంతలోనే ఈ ఘటన చోటుచేసుకోవడంతో కుటుంబ సభ్యులు విషాదంలో మునిగిపోయారు. తండ్రి మరణవార్త తెలిసే సమయానికి మేయర్ శ్రావణి తిరుపతి పర్యటనలో ఉన్నారు. విషయం తెలిసిన వెంటనే ఆమె విశాఖకు బయల్దేరారు. 

ముత్యాలనాయుడు తెలుగుదేశం పార్టీ ఆవిర్భావం నుంచే పార్టీలో క్రియాశీలకంగా పనిచేశారు. గతంలో కౌన్సిలర్‌గా ఎన్నికై ప్రజాసేవలో తనదైన ముద్ర వేశారు. విశాఖ జిల్లా తెదేపా బీసీ విభాగం ఉపాధ్యక్షుడిగా బాధ్యతలు నిర్వర్తించిన ఆయన, స్థానిక ప్రజలతో ఎల్లప్పుడూ సత్సంబంధాలు కొనసాగించేవారు.

ముత్యాలనాయుడు ఆకస్మిక మృతిపట్ల ఆంధ్రప్రదేశ్ ముఖ్యమంత్రి నారా చంద్రబాబు నాయుడు, మంత్రి నారా లోకేశ్ తీవ్ర సంతాపం వ్యక్తం చేశారు. వారి కుటుంబ సభ్యులకు ప్రగాఢ సానుభూతి తెలిపారు. తెదేపా రాష్ట్ర అధ్యక్షుడు పల్లా శ్రీనివాసరావు, విశాఖ ఎంపీ ఎం. శ్రీభరత్, ఎమ్మెల్యేలు గంటా శ్రీనివాసరావు, వెలగపూడి రామకృష్ణబాబు, విష్ణుకుమార్ రాజు సహా పలువురు ప్రముఖులు దిగ్భ్రాంతి వ్యక్తం చేస్తూ నివాళులర్పించారు.
Advertisement

సంబంధిత వార్తలు

Mukka SravaniMukka Mutyala NaiduVisakhapatnam MayorTDP Leader Demise

More Telugu News

'ఆయనతో ఒక్క ఫోటో చాలనుకున్నా.. అమ్మవారి దయతో ఊహించనిది జరిగింది': రేణూ దేశాయ్

20 Nov, 12:25

ఎదురుపడ్డ బీటెక్ రవి, వైఎస్ అవినాశ్ రెడ్డి కాన్వాయ్‌లు.. తీవ్ర ఉద్రిక్తత.. అవినాశ్ రెడ్డి అరెస్ట్

20 Nov, 12:24

మహారాష్ట్రలో కారు ఢీకొని పులికి తీవ్ర గాయాలు.. చుట్టుముట్టి జనం వికృత చేష్టలు.. వీడియో వైరల్!

20 Nov, 12:22

'ప్రియమైన స్నేహితురాలికి' బర్త్‌డే విషెస్.. మళ్లీ వార్తల్లో లలిత్ మోదీ, సుస్మితా సేన్

20 Nov, 12:01

సీఎం రేవంత్ రెడ్డి సభ ముగిశాక విషాదం.. మహిళ మృతి

20 Nov, 11:45

వాన్ గో పెయింటింగ్‌కు రికార్డు ధర.. వేలంలో రూ.1,773 కోట్లు!

20 Nov, 11:35

తీరం దాటిన 'అక్వాన్' తుపాను.. ఒడిశా, ఉత్తరాంధ్రలో భారీ వర్షాలు

20 Nov, 11:33

కివీస్‌పై జైస్వాల్, రాహుల్ జోరు.. 32 ఏళ్ల తర్వాత అరుదైన రికార్డు!

20 Nov, 11:21

మాజీ ఎమ్మెల్యే రేఖానాయక్ ఇళ్లపై ఈడీ మెరుపు దాడులు.. అరెస్ట్ చేసే అవకాశం

20 Nov, 11:15

'మిర్రర్ డైమెన్షన్'.. ఏఐ శిక్షణ కోసం నకిలీ ఇంటర్నెట్‌ను నిర్మించిన గూగుల్!

20 Nov, 11:09

అత్యవసరంగా నిర్ణయం తీసుకోండి.. బంగ్లాదేశ్ పాస్‌పోర్ట్ కోసం షేక్ హసీనా దరఖాస్తు

20 Nov, 10:55

81 మంది నూతన జాతీయ కార్యదర్శలను నియమించిన కాంగ్రెస్.. 50 శాతం మంది ఓబీసీ, ఎస్సీ, ఎస్టీలు

20 Nov, 10:45

పులివెందులలో టెన్షన్.. ఎంపీ అవినాశ్‌ రెడ్డి కాన్వాయ్‌పై దాడి

20 Nov, 10:43

ఉగ్రవాదులకు ప్లాన్లు ఇస్తున్న ఏఐ.. అమెరికా పరిశోధనలో షాకింగ్ నిజాలు

20 Nov, 10:39
..More Telugu News