ఫాంటసీ టచ్ తో సాగే ఫ్యామిలీ సిరీస్ ..'లవ్ ఆల్వేస్'
Advertisement
- ఫ్యామిలీ ఆడియన్స్ కోసం 'లవ్ ఆల్వేస్'
- ప్రధాన పాత్రలలో జయసుధ - జయప్రకాశ్
- కీలకమైన పాత్రలో గౌరీ కిషన్
- 8 ఎపిసోడ్స్ గా రూపొందిన సిరీస్
- అక్టోబర్ 30వ తేదీ నుంచి స్ట్రీమింగ్
కొన్ని రోజులుగా ఓటీటీలో ఒక సిరీస్ దూసుకుపోతోంది. లవ్ .. కామెడీ .. ఎమోషన్స్ తో పాటు ఫాంటసీ టచ్ తో సాగే ఈ సిరీస్ లో జయసుధ ప్రధానమైన పాత్రను పోషించడం విశేషం. జయసుధ కనిపించడంతో, సహజంగానే ఫ్యామిలీ ఆడియన్స్ దృష్టి ఈ సిరీస్ వైపు తిరిగిపోయింది. ఇతర కీలకమైన పాత్రలలో జయప్రకాశ్ .. గౌరీ కిషన్ .. రంజాన్ మహ్మద్ కనిపించనున్నారు. మధుమిత దర్శకత్వం వహించిన ఈ సిరీస్, 8 ఎపిసోడ్స్ గా ప్రేక్షకుల ముందుకు వచ్చింది. అక్టోబర్ 30వ తేదీ నుంచి 7 భాషల్లో 'జియో హాట్ స్టార్' ద్వారా అందుబాటులోకి వచ్చింది.
కథ విషయానికి వస్తే .. కణ్ణన్ ( జయప్రకాశ్) మంజుల (జయసుధ) భార్యాభర్తలు. వారి పెద్ద కొడుకు గౌతమ్ .. కోడలు రంజని. మంజుల దంపతుల మనవడు 'రఘు' .. మనవరాలు 'దీపిక'. ఉమ్మడి కుటుంబంగా అంతా కలిసి నివసిస్తూ ఉంటారు. ఈ నేపథ్యంలోనే కణ్ణన్ అనారోగ్యానికి గురవుతాడు. అయితే ఆ విషయాన్ని భార్యకి తెలియనీయడు. భార్యగా తన స్థానానికి సరైన గుర్తింపు లేకుండా పోయిందని భావించిన మంజుల, విడాకుల కోసం ప్రయత్నిస్తూ ఉంటుంది. వాళ్లిద్దరి మధ్య దూరం తగ్గించడం కోసం, కొడుకు - కోడలు కలిసి కులదేవత గుడికి తీసుకుని వెళతారు.
అడవిని ఆనుకుని ఉన్న కులదేవత గుడి దగ్గర మనవడు రఘు కనిపించకపోవడంతో, కణ్ణన్ - మంజుల వెదుకుతూ వెళ్లి ఒక పాడుబడిన బావిలో పడిపోతారు. అది సొరంగ మార్గం కలిగిన ఒక గుహ. యవ్వనాన్ని పొందడం కోసం ఒక మాంత్రికుడు సిద్ధం చేసుకున్న గుహ అది. అక్కడి మాయాశక్తి కారణంగా కణ్ణన్ - మంజుల యవ్వనవంతులవుతారు. బయటికి వచ్చిన వాళ్లను కుటుంబ సభ్యులు గుర్తుపట్టరు. అప్పుడు వాళ్లు ఏం చేస్తారు? ఆ తరువాత ఏమౌతుంది? అనేది కథ.
కథ విషయానికి వస్తే .. కణ్ణన్ ( జయప్రకాశ్) మంజుల (జయసుధ) భార్యాభర్తలు. వారి పెద్ద కొడుకు గౌతమ్ .. కోడలు రంజని. మంజుల దంపతుల మనవడు 'రఘు' .. మనవరాలు 'దీపిక'. ఉమ్మడి కుటుంబంగా అంతా కలిసి నివసిస్తూ ఉంటారు. ఈ నేపథ్యంలోనే కణ్ణన్ అనారోగ్యానికి గురవుతాడు. అయితే ఆ విషయాన్ని భార్యకి తెలియనీయడు. భార్యగా తన స్థానానికి సరైన గుర్తింపు లేకుండా పోయిందని భావించిన మంజుల, విడాకుల కోసం ప్రయత్నిస్తూ ఉంటుంది. వాళ్లిద్దరి మధ్య దూరం తగ్గించడం కోసం, కొడుకు - కోడలు కలిసి కులదేవత గుడికి తీసుకుని వెళతారు.
అడవిని ఆనుకుని ఉన్న కులదేవత గుడి దగ్గర మనవడు రఘు కనిపించకపోవడంతో, కణ్ణన్ - మంజుల వెదుకుతూ వెళ్లి ఒక పాడుబడిన బావిలో పడిపోతారు. అది సొరంగ మార్గం కలిగిన ఒక గుహ. యవ్వనాన్ని పొందడం కోసం ఒక మాంత్రికుడు సిద్ధం చేసుకున్న గుహ అది. అక్కడి మాయాశక్తి కారణంగా కణ్ణన్ - మంజుల యవ్వనవంతులవుతారు. బయటికి వచ్చిన వాళ్లను కుటుంబ సభ్యులు గుర్తుపట్టరు. అప్పుడు వాళ్లు ఏం చేస్తారు? ఆ తరువాత ఏమౌతుంది? అనేది కథ.
Advertisement