ఎవరీ హషీమ్ మూసా?.. పాక్ సైన్యం తరహాలో శిక్షణ.. పీర్ పంజాల్ను గడగడలాడించిన ఉగ్రవాది
- బద్గాం ఎన్కౌంటర్లో హతమైన లష్కరే టాప్ కమాండర్ హషీమ్ మూసా
- పాక్ సైన్యంలో పనిచేసిన తండ్రి.. మిలటరీ తరహా శిక్షణ పొందిన ఉగ్రవాది
- డేరా కీ గలీ, ఐఏఎఫ్ కాన్వాయ్ వంటి అనేక దాడుల్లో కీలక సూత్రధారి
- యాసిర్ హతం తర్వాత వేట ముమ్మరం.. పీర్ పంజాల్లో కీలక గ్రూప్ కథ సమాప్తం
జమ్మూకశ్మీర్లో భద్రతా బలగాలకు భారీ విజయం లభించింది. పూంచ్-రజౌరీ నుంచి కాశ్మీర్ లోయ వరకు అనేక ఉగ్రదాడులకు సూత్రధారిగా వ్యవహరించిన లష్కరే తొయిబా (ఎల్ఈటీ) టాప్ కమాండర్ మహమ్మద్ ఆసిఫ్ అలియాస్ హషీమ్ మూసా హతమయ్యాడు. మంగళవారం రాత్రి బద్గాం జిల్లాలో జరిగిన ఎన్కౌంటర్లో భద్రతా బలగాలు అతడిని మట్టుబెట్టాయి. దీంతో చాలాకాలంగా కొనసాగుతున్న ఓ కీలక ఉగ్రవాది వేట ముగిసినట్లయింది.
బద్గాం జిల్లాలోని యూస్మార్గ్ సమీపంలోని కోరాగ్ అటవీ ప్రాంతంలో ఉగ్రవాదుల కదలికలపై అందిన పక్కా సమాచారంతో సైన్యం, జమ్మూకశ్మీర్ పోలీసులు, సీఆర్పీఎఫ్ సంయుక్తంగా ఆపరేషన్ ప్రారంభించాయి. బలగాలు ఆ ప్రాంతాన్ని చుట్టుముట్టి గాలిస్తుండగా, ఉగ్రవాదులు కాల్పులకు తెగబడ్డారు. భద్రతా బలగాలు జరిపిన ఎదురుకాల్పుల్లో హషీమ్ మూసా హతమయ్యాడు.
ఎవరీ హషీమ్ మూసా అలియాస్ ఫౌజీ?
హషీమ్ మూసాను భద్రతా వర్గాలు "ఫౌజీ" అనే పేరుతో కూడా పిలుస్తుంటాయి. అతడి రూపం, పాకిస్థాన్ సైన్యం లేదా దాని ఎలైట్ స్పెషల్ సర్వీసెస్ గ్రూప్ (ఎస్ఎస్జీ) తరహాలో కఠినన శిక్షణ పొందడమే దీనికి కారణం. పాక్ ఆక్రమిత కాశ్మీర్ (పీవోకే)కు చెందిన మూసా తండ్రి గతంలో పాకిస్థాన్ సైన్యంలో పనిచేశాడు. ఈ నేపథ్యం, అతడి సైనిక తరహా శిక్షణ కారణంగా ఏజెన్సీలు మూసాను అత్యంత ప్రమాదకరమైన విదేశీ ఉగ్రవాదిగా గుర్తించాయి.
పహల్గాం ఉగ్రదాడి విచారణలో తొలిసారి మూసా పేరు వెలుగులోకి వచ్చింది. అప్పటి నుంచి భద్రతా బలగాలు అతడిపై నిఘా పెట్టాయి. 2023 డిసెంబర్లో జరిగిన డేరా కీ గలీ ఆకస్మిక దాడి, 2024 మే నెలలో పూంచ్లో భారత వాయుసేన (ఐఏఎఫ్) కాన్వాయ్పై దాడి, 2024 అక్టోబర్లో గుల్మార్గ్ సమీపంలోని బోటా పత్రి దాడి వెనుక మూసా గ్రూప్ హస్తం ఉందని ఏజెన్సీలు నిర్ధారించాయి. జమ్మూను కశ్మీర్ లోయతో కలిపే పీర్ పంజాల్ పర్వత శ్రేణులను తన కార్యకలాపాలకు అడ్డాగా మార్చుకున్నాడు. ఈ దట్టమైన అటవీ, పర్వత ప్రాంతంలో ఉగ్రవాదుల కదలికలను గుర్తించడం కష్టం కావడంతో చాలాకాలంగా తప్పించుకు తిరిగాడు.
ఒక్కొక్కరిగా హతం.. గ్రూప్ ఖతం
పీర్ పంజాల్ ప్రాంతంలో చురుగ్గా ఉన్న లష్కరే గ్రూపులో మూసా కీలక సభ్యుడు. ఈ గ్రూపులో యాసిర్, జునైద్ అహ్మద్ భట్, సులేమాన్ షా కూడా ఉన్నారు. వీరిలో గంగన్గీర్ టన్నెల్ దాడి సూత్రధారి జునైద్ను 2024 డిసెంబర్లో, సులేమాన్ షాను 2025 జులైలో భద్రతా బలగాలు వేర్వేరు ఆపరేషన్లలో మట్టుబెట్టాయి.
ఇక మూసాకు అత్యంత సన్నిహితుడైన యాసిర్ను ఈ నెల 5న యూస్మార్గ్ ఎత్తైన ప్రాంతాల్లో జరిగిన ఎన్కౌంటర్లో హతమార్చారు. యాసిర్ మరణంతో ఒంటరైన మూసా కోసం భద్రతా బలగాలు గాలింపును తీవ్రతరం చేశాయి. తాజాగా అతడి కదలికలపై అందిన సమాచారంతో కార్డన్ సెర్చ్ నిర్వహించి, మూసాను అంతమొందించారు. దీంతో పీర్ పంజాల్లో చాలాకాలంగా క్రియాశీలంగా ఉన్న ఈ లష్కరే గ్రూపు కథకు పూర్తిగా తెరపడినట్లయింది.
బద్గాం జిల్లాలోని యూస్మార్గ్ సమీపంలోని కోరాగ్ అటవీ ప్రాంతంలో ఉగ్రవాదుల కదలికలపై అందిన పక్కా సమాచారంతో సైన్యం, జమ్మూకశ్మీర్ పోలీసులు, సీఆర్పీఎఫ్ సంయుక్తంగా ఆపరేషన్ ప్రారంభించాయి. బలగాలు ఆ ప్రాంతాన్ని చుట్టుముట్టి గాలిస్తుండగా, ఉగ్రవాదులు కాల్పులకు తెగబడ్డారు. భద్రతా బలగాలు జరిపిన ఎదురుకాల్పుల్లో హషీమ్ మూసా హతమయ్యాడు.
ఎవరీ హషీమ్ మూసా అలియాస్ ఫౌజీ?
హషీమ్ మూసాను భద్రతా వర్గాలు "ఫౌజీ" అనే పేరుతో కూడా పిలుస్తుంటాయి. అతడి రూపం, పాకిస్థాన్ సైన్యం లేదా దాని ఎలైట్ స్పెషల్ సర్వీసెస్ గ్రూప్ (ఎస్ఎస్జీ) తరహాలో కఠినన శిక్షణ పొందడమే దీనికి కారణం. పాక్ ఆక్రమిత కాశ్మీర్ (పీవోకే)కు చెందిన మూసా తండ్రి గతంలో పాకిస్థాన్ సైన్యంలో పనిచేశాడు. ఈ నేపథ్యం, అతడి సైనిక తరహా శిక్షణ కారణంగా ఏజెన్సీలు మూసాను అత్యంత ప్రమాదకరమైన విదేశీ ఉగ్రవాదిగా గుర్తించాయి.
పహల్గాం ఉగ్రదాడి విచారణలో తొలిసారి మూసా పేరు వెలుగులోకి వచ్చింది. అప్పటి నుంచి భద్రతా బలగాలు అతడిపై నిఘా పెట్టాయి. 2023 డిసెంబర్లో జరిగిన డేరా కీ గలీ ఆకస్మిక దాడి, 2024 మే నెలలో పూంచ్లో భారత వాయుసేన (ఐఏఎఫ్) కాన్వాయ్పై దాడి, 2024 అక్టోబర్లో గుల్మార్గ్ సమీపంలోని బోటా పత్రి దాడి వెనుక మూసా గ్రూప్ హస్తం ఉందని ఏజెన్సీలు నిర్ధారించాయి. జమ్మూను కశ్మీర్ లోయతో కలిపే పీర్ పంజాల్ పర్వత శ్రేణులను తన కార్యకలాపాలకు అడ్డాగా మార్చుకున్నాడు. ఈ దట్టమైన అటవీ, పర్వత ప్రాంతంలో ఉగ్రవాదుల కదలికలను గుర్తించడం కష్టం కావడంతో చాలాకాలంగా తప్పించుకు తిరిగాడు.
ఒక్కొక్కరిగా హతం.. గ్రూప్ ఖతం
పీర్ పంజాల్ ప్రాంతంలో చురుగ్గా ఉన్న లష్కరే గ్రూపులో మూసా కీలక సభ్యుడు. ఈ గ్రూపులో యాసిర్, జునైద్ అహ్మద్ భట్, సులేమాన్ షా కూడా ఉన్నారు. వీరిలో గంగన్గీర్ టన్నెల్ దాడి సూత్రధారి జునైద్ను 2024 డిసెంబర్లో, సులేమాన్ షాను 2025 జులైలో భద్రతా బలగాలు వేర్వేరు ఆపరేషన్లలో మట్టుబెట్టాయి.
ఇక మూసాకు అత్యంత సన్నిహితుడైన యాసిర్ను ఈ నెల 5న యూస్మార్గ్ ఎత్తైన ప్రాంతాల్లో జరిగిన ఎన్కౌంటర్లో హతమార్చారు. యాసిర్ మరణంతో ఒంటరైన మూసా కోసం భద్రతా బలగాలు గాలింపును తీవ్రతరం చేశాయి. తాజాగా అతడి కదలికలపై అందిన సమాచారంతో కార్డన్ సెర్చ్ నిర్వహించి, మూసాను అంతమొందించారు. దీంతో పీర్ పంజాల్లో చాలాకాలంగా క్రియాశీలంగా ఉన్న ఈ లష్కరే గ్రూపు కథకు పూర్తిగా తెరపడినట్లయింది.
