విమానం ఎక్కే ముందు మద్యపానం.. ఎయిరిండియా కో-పైలట్ సస్పెండ్
- ఢిల్లీ విమానానికి ముందు మద్యం.. పట్టుబడ్డ ఎయిరిండియా కో-పైలట్
- జ్యూరిచ్ ఎయిర్పోర్టులో ఆల్కహాల్ టెస్టులో విఫలం
- విమానం నుంచి దించివేత.. సర్వీసు ఒకరోజు ఆలస్యం
- పైలట్ను సస్పెండ్ చేసిన యాజమాన్యం.. విచారణకు ఆదేశం
ఎయిరిండియాలో మరో పైలట్ భద్రతా నిబంధనలను ఉల్లంఘించడం విమానయాన రంగంలో కలకలం రేపింది. స్విట్జర్లాండ్ లోని జ్యూరిచ్ నుంచి ఢిల్లీ రావాల్సిన విమానంలో కో-పైలట్గా విధులు నిర్వహించాల్సిన ఒక ఫస్ట్ ఆఫీసర్, విధులకు హాజరయ్యే ముందు మద్యం సేవించినట్లు నిర్ధారణ కావడంతో యాజమాన్యం అతడిని సస్పెండ్ చేసింది. సెప్టెంబర్ 6న జ్యూరిచ్ విమానాశ్రయంలో ఈ ఉదంతం చోటుచేసుకుంది.
జ్యూరిచ్ నుంచి ఢిల్లీకి బయల్దేరాల్సిన ఏఐ 151 విమానంలో విధులు చేపట్టేందుకు సదరు కో-పైలట్ సిద్ధమవుతుండగా, అతని నుంచి మద్యం వాసన రావడాన్ని గ్రౌండ్ సిబ్బంది గుర్తించారు. వెంటనే అధికారులకు సమాచారం అందించడంతో, అతడికి బ్రీత్ అనలైజర్ పరీక్ష నిర్వహించారు. ఈ పరీక్షలో మద్యం సేవించినట్లు తేలడంతో అతడిని విధులకు అనుమతించకుండా, సాధారణ ప్రయాణికుడిగా భారత్కు పంపించి వేశారు. ఈ పరిణామం కారణంగా విమాన సర్వీసును మరుసటి రోజుకు వాయిదా వేయాల్సి వచ్చింది.
ఈ ఘటనపై ఎయిరిండియా యాజమాన్యం తీవ్రంగా స్పందించింది. భద్రత, నియంత్రణ నిబంధనల ఉల్లంఘనల విషయంలో సంస్థ 'జీరో టాలరెన్స్' విధానాన్ని అనుసరిస్తుందని స్పష్టం చేసింది. నిబంధనల అతిక్రమణకు పాల్పడితే కఠిన చర్యలు తప్పవని హెచ్చరిస్తూనే, సిబ్బందికి నిరంతరం అవగాహన కార్యక్రమాలు నిర్వహిస్తున్నట్లు వెల్లడించింది.
కాగా, గత ఆగస్టు 4న ఫుకెట్-ఢిల్లీ విమానంలో ఒక పైలట్ గంజాయి సేవించినట్లు తేలడంతో అతడిని విధుల నుంచి తొలగించిన కొద్ది వారాలకే ఈ ఘటన చోటుచేసుకోవడం గమనార్హం. ప్రస్తుత ఉదంతంపై స్విస్ ఏవియేషన్ అధికారులు భారత డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ)కు సమాచారం అందించారు. జ్యూరిచ్లో నిర్వహించిన తుది వైద్య పరీక్షల నివేదిక రావాల్సి ఉందని, అప్పటివరకు సదరు కో-పైలట్పై సస్పెన్షన్ కొనసాగుతుందని ఎయిరిండియా ప్రతినిధులు పేర్కొన్నారు.
జ్యూరిచ్ నుంచి ఢిల్లీకి బయల్దేరాల్సిన ఏఐ 151 విమానంలో విధులు చేపట్టేందుకు సదరు కో-పైలట్ సిద్ధమవుతుండగా, అతని నుంచి మద్యం వాసన రావడాన్ని గ్రౌండ్ సిబ్బంది గుర్తించారు. వెంటనే అధికారులకు సమాచారం అందించడంతో, అతడికి బ్రీత్ అనలైజర్ పరీక్ష నిర్వహించారు. ఈ పరీక్షలో మద్యం సేవించినట్లు తేలడంతో అతడిని విధులకు అనుమతించకుండా, సాధారణ ప్రయాణికుడిగా భారత్కు పంపించి వేశారు. ఈ పరిణామం కారణంగా విమాన సర్వీసును మరుసటి రోజుకు వాయిదా వేయాల్సి వచ్చింది.
ఈ ఘటనపై ఎయిరిండియా యాజమాన్యం తీవ్రంగా స్పందించింది. భద్రత, నియంత్రణ నిబంధనల ఉల్లంఘనల విషయంలో సంస్థ 'జీరో టాలరెన్స్' విధానాన్ని అనుసరిస్తుందని స్పష్టం చేసింది. నిబంధనల అతిక్రమణకు పాల్పడితే కఠిన చర్యలు తప్పవని హెచ్చరిస్తూనే, సిబ్బందికి నిరంతరం అవగాహన కార్యక్రమాలు నిర్వహిస్తున్నట్లు వెల్లడించింది.
కాగా, గత ఆగస్టు 4న ఫుకెట్-ఢిల్లీ విమానంలో ఒక పైలట్ గంజాయి సేవించినట్లు తేలడంతో అతడిని విధుల నుంచి తొలగించిన కొద్ది వారాలకే ఈ ఘటన చోటుచేసుకోవడం గమనార్హం. ప్రస్తుత ఉదంతంపై స్విస్ ఏవియేషన్ అధికారులు భారత డైరెక్టరేట్ జనరల్ ఆఫ్ సివిల్ ఏవియేషన్ (డీజీసీఏ)కు సమాచారం అందించారు. జ్యూరిచ్లో నిర్వహించిన తుది వైద్య పరీక్షల నివేదిక రావాల్సి ఉందని, అప్పటివరకు సదరు కో-పైలట్పై సస్పెన్షన్ కొనసాగుతుందని ఎయిరిండియా ప్రతినిధులు పేర్కొన్నారు.
