ఎయిర్ ఇండియా విమానాల్లో స్టూడెంట్ ఆఫర్.. అక్టోబర్ 20 వరకు ఛాన్స్
- ఎయిర్ ఇండియా ఎక్స్ప్రెస్ విమానాల్లో విద్యార్థులకు ప్రత్యేక రాయితీ
- బేస్ ఫేర్పై 10 శాతం డిస్కౌంట్, 25 కేజీల ఉచిత బ్యాగేజీ
- అక్టోబర్ 20 వరకు అందుబాటులో ఉండనున్న ఆఫర్
- చెకిన్ సమయంలో తప్పనిసరిగా స్టూడెంట్ ఐడీ కార్డు చూపించాల్సిందే
- అదనపు డిస్కౌంట్ల కోసం ప్రత్యేక ప్రోమో కోడ్లు
ప్రముఖ విమానయాన సంస్థ ఎయిర్ ఇండియా ఎక్స్ప్రెస్ విద్యార్థులకు గుడ్ న్యూస్ అందించింది. కాలేజీ సెమిస్టర్లు, ఇంటర్న్షిప్లు లేదా పండుగ సందర్భాల్లో స్వగ్రామాలకు వెళ్లే విద్యార్థుల ప్రయాణ భారాన్ని తగ్గించేందుకు ‘స్టూడెంట్ ఫేర్’ పేరుతో ప్రత్యేక ఆఫర్ను ప్రకటించింది. ఇందులో భాగంగా బేస్ ఫేర్పై 10 శాతం మేర తక్షణ తగ్గింపును ఇస్తోంది. ఈ ఆఫర్ కింద టికెట్లు బుక్ చేసుకున్న వారికి సాధారణ 15 కేజీల లగేజీకి అదనంగా మరో 10 కేజీలు, అంటే మొత్తం 25 కేజీల చెక్-ఇన్ బ్యాగేజీని ఉచితంగా అనుమతిస్తారు. ఈ ప్రత్యేక రాయితీ అక్టోబర్ 20 వరకు చేసే బుకింగ్లకు వర్తిస్తుంది.
ఈ ఆఫర్లో భాగంగా మరిన్ని ఇతర ప్రయోజనాలను కూడా సంస్థ కల్పిస్తోంది. ఎయిర్ ఇండియా ఎక్స్ప్రెస్ వెబ్సైట్ లేదా యాప్ ద్వారా నేరుగా టికెట్లు బుక్ చేసుకుంటే, ఒకవేళ ప్రయాణ తేదీని మార్చుకోవాల్సి వస్తే కేవలం రూ. 99 చెల్లిస్తే సరిపోతుంది. అలాగే, ‘VIBES’ ప్రోమో కోడ్ ఉపయోగించడం ద్వారా అదనంగా 5 శాతం డిస్కౌంట్ పొందవచ్చు. వీటికి తోడు, వీసా కార్డు ద్వారా చెల్లింపులు చేసే వారు ‘VISAFLY’ కోడ్ను ఉపయోగిస్తే అక్టోబర్ 9 వరకు గరిష్ఠంగా రూ. 600 వరకు తగ్గింపు లభిస్తుంది.
ఈ రాయితీలు పొందాలంటే విద్యార్థుల వయసు 12 ఏళ్లు లేదా అంతకంటే ఎక్కువ ఉండాలి. టికెట్ బుకింగ్ సమయంలో ‘స్టూడెంట్ ఫేర్’ ఆప్షన్ను ఎంచుకోవాల్సి ఉంటుంది. విమానాశ్రయంలో చెక్-ఇన్ చేసే సమయంలో గుర్తింపు పొందిన విద్యాసంస్థ జారీ చేసిన ఫొటో ఐడీ కార్డును (పుట్టిన తేదీతో కూడినది) తప్పనిసరిగా సమర్పించాలి. పండుగల సీజన్లో విద్యార్థుల ప్రయాణాన్ని మరింత సులభతరం చేయడమే ఈ ఆఫర్ ప్రధాన ఉద్దేశమని సంస్థ ప్రతినిధులు వెల్లడించారు.
ఈ ఆఫర్లో భాగంగా మరిన్ని ఇతర ప్రయోజనాలను కూడా సంస్థ కల్పిస్తోంది. ఎయిర్ ఇండియా ఎక్స్ప్రెస్ వెబ్సైట్ లేదా యాప్ ద్వారా నేరుగా టికెట్లు బుక్ చేసుకుంటే, ఒకవేళ ప్రయాణ తేదీని మార్చుకోవాల్సి వస్తే కేవలం రూ. 99 చెల్లిస్తే సరిపోతుంది. అలాగే, ‘VIBES’ ప్రోమో కోడ్ ఉపయోగించడం ద్వారా అదనంగా 5 శాతం డిస్కౌంట్ పొందవచ్చు. వీటికి తోడు, వీసా కార్డు ద్వారా చెల్లింపులు చేసే వారు ‘VISAFLY’ కోడ్ను ఉపయోగిస్తే అక్టోబర్ 9 వరకు గరిష్ఠంగా రూ. 600 వరకు తగ్గింపు లభిస్తుంది.
ఈ రాయితీలు పొందాలంటే విద్యార్థుల వయసు 12 ఏళ్లు లేదా అంతకంటే ఎక్కువ ఉండాలి. టికెట్ బుకింగ్ సమయంలో ‘స్టూడెంట్ ఫేర్’ ఆప్షన్ను ఎంచుకోవాల్సి ఉంటుంది. విమానాశ్రయంలో చెక్-ఇన్ చేసే సమయంలో గుర్తింపు పొందిన విద్యాసంస్థ జారీ చేసిన ఫొటో ఐడీ కార్డును (పుట్టిన తేదీతో కూడినది) తప్పనిసరిగా సమర్పించాలి. పండుగల సీజన్లో విద్యార్థుల ప్రయాణాన్ని మరింత సులభతరం చేయడమే ఈ ఆఫర్ ప్రధాన ఉద్దేశమని సంస్థ ప్రతినిధులు వెల్లడించారు.
