డిసెంబర్లో అమెరికాకు మోదీ.. ట్రంప్తో ప్రత్యేక భేటీ!
- అమెరికా జీ20 సదస్సులో పాల్గొననున్న ప్రధాని
- డొనాల్డ్ ట్రంప్తో ద్వైపాక్షిక చర్చలు జరిపే అవకాశం
- సదస్సు వేదికగా క్వాడ్ దేశాధినేతల సమావేశానికి సన్నాహాలు
- అమెరికా పర్యటన తర్వాత కెనడా వెళ్లే యోచనలో ప్రధాని
ప్రధాని నరేంద్ర మోదీ ఈ ఏడాది డిసెంబర్లో అమెరికాలో పర్యటించే అవకాశం ఉంది. ఫ్లోరిడాలోని డొరల్లో డిసెంబర్ 14, 15 తేదీల్లో జరిగే జీ20 దేశాధినేతల శిఖరాగ్ర సదస్సులో ఆయన పాల్గొంటారని విశ్వసనీయ వర్గాల సమాచారం. అమెరికా అధ్యక్షుడు డొనాల్డ్ ట్రంప్ ఆతిథ్యం ఇస్తున్న ఈ సదస్సును 2009 తర్వాత అమెరికా నిర్వహించడం ఇదే మొదటిసారి.
ఈ పర్యటనలో భాగంగా ప్రధాని మోదీ.. అమెరికా అధ్యక్షుడు ట్రంప్తో ద్వైపాక్షిక చర్చలు జరిపే అవకాశం ఉంది. మోదీకి ట్రంప్ అధిక ప్రాధాన్యం ఇస్తారని, వారిద్దరి మధ్య బలమైన వ్యక్తిగత సంబంధాలు ఉన్నాయని అమెరికా రాయబారి సెర్జియో గోర్ గతంలోనే వ్యాఖ్యానించారు. మరోవైపు, ఇదే సదస్సు వేదికగా భారత్, అమెరికా, జపాన్, ఆస్ట్రేలియా దేశాల కూటమి 'క్వాడ్' నేతల సమావేశం నిర్వహించేందుకు కూడా సన్నాహాలు జరుగుతున్నట్టు తెలుస్తోంది.
అమెరికా పర్యటన ముగిసిన అనంతరం మోదీ కెనడాలో కూడా పర్యటించే అవకాశం ఉందని సమాచారం. కెనడా ప్రధాని మార్క్ కార్నీ ఆహ్వానం మేరకు ఈ పర్యటన ఉండొచ్చని భావిస్తున్నారు. ప్రస్తుతం భారత్-కెనడా మధ్య సమగ్ర వాణిజ్య ఒప్పందంపై చర్చలు కొనసాగుతున్న విషయం తెలిసిందే.
జీ20 సదస్సు కోసం ప్రధాని డిసెంబర్లో అమెరికా వస్తారని యూఎస్ రాయబారి జూన్లోనే సంకేతాలు ఇచ్చారు. అయితే, భారత ప్రభుత్వం నుంచి ఇంకా అధికారిక ప్రకటన వెలువడాల్సి ఉంది. సాధారణంగా పర్యటన తేదీలకు సమీపంలోనే విదేశాంగ శాఖ ప్రకటన విడుదల చేస్తుంది. ఈ పర్యటన ఖరారైతే భారత్-అమెరికా వాణిజ్య సంబంధాలు, ఇండో-పసిఫిక్ వ్యూహం వంటి కీలక అంశాల్లో పురోగతికి దోహదపడనుంది.
ఈ పర్యటనలో భాగంగా ప్రధాని మోదీ.. అమెరికా అధ్యక్షుడు ట్రంప్తో ద్వైపాక్షిక చర్చలు జరిపే అవకాశం ఉంది. మోదీకి ట్రంప్ అధిక ప్రాధాన్యం ఇస్తారని, వారిద్దరి మధ్య బలమైన వ్యక్తిగత సంబంధాలు ఉన్నాయని అమెరికా రాయబారి సెర్జియో గోర్ గతంలోనే వ్యాఖ్యానించారు. మరోవైపు, ఇదే సదస్సు వేదికగా భారత్, అమెరికా, జపాన్, ఆస్ట్రేలియా దేశాల కూటమి 'క్వాడ్' నేతల సమావేశం నిర్వహించేందుకు కూడా సన్నాహాలు జరుగుతున్నట్టు తెలుస్తోంది.
అమెరికా పర్యటన ముగిసిన అనంతరం మోదీ కెనడాలో కూడా పర్యటించే అవకాశం ఉందని సమాచారం. కెనడా ప్రధాని మార్క్ కార్నీ ఆహ్వానం మేరకు ఈ పర్యటన ఉండొచ్చని భావిస్తున్నారు. ప్రస్తుతం భారత్-కెనడా మధ్య సమగ్ర వాణిజ్య ఒప్పందంపై చర్చలు కొనసాగుతున్న విషయం తెలిసిందే.
జీ20 సదస్సు కోసం ప్రధాని డిసెంబర్లో అమెరికా వస్తారని యూఎస్ రాయబారి జూన్లోనే సంకేతాలు ఇచ్చారు. అయితే, భారత ప్రభుత్వం నుంచి ఇంకా అధికారిక ప్రకటన వెలువడాల్సి ఉంది. సాధారణంగా పర్యటన తేదీలకు సమీపంలోనే విదేశాంగ శాఖ ప్రకటన విడుదల చేస్తుంది. ఈ పర్యటన ఖరారైతే భారత్-అమెరికా వాణిజ్య సంబంధాలు, ఇండో-పసిఫిక్ వ్యూహం వంటి కీలక అంశాల్లో పురోగతికి దోహదపడనుంది.
