సోషల్ మీడియాలో 80ల ట్రెండ్.. బీజేపీ, కాంగ్రెస్ మధ్య ఏఐ ఫోటోల వార్
- మారుతి ఓమ్ని ఫొటోతో గుజరాత్పై కాంగ్రెస్ కేరళ యూనిట్ సెటైర్
- సోనియా గాంధీని లక్ష్యంగా చేసుకుని బీజేపీ కౌంటర్ పోస్టులు
- బార్లో డ్యాన్స్ చేస్తున్నట్టు సోనియాపై వివాదాస్పద ఏఐ చిత్రాల పోస్ట్
- విమర్శల నేపథ్యంలో ఓ చిత్రాన్ని తొలగించిన బీజేపీ గుజరాత్ యూనిట్
సోషల్ మీడియాలో ప్రస్తుతం వైరల్ అవుతున్న ‘1980ల ఏఐ ఫొటో ట్రెండ్’ భారతీయ జనతా పార్టీ (బీజేపీ), కాంగ్రెస్ మధ్య తీవ్రస్థాయి మీమ్ యుద్ధానికి దారితీసింది. ఈ వివాదంలోకి కాంగ్రెస్ సీనియర్ నేత సోనియా గాంధీని లాగడంతో రాజకీయ దుమారం రేగింది.
ఈ వివాదం కాంగ్రెస్ కేరళ యూనిట్ షేర్ చేసిన ఒక ఏఐ-జనరేటెడ్ చిత్రంతో మొదలైంది. 1980ల నాటి గుజరాత్ వీధి అంటూ క్యాప్షన్ జోడించి, మారుతి సుజుకి ఓమ్ని వ్యాన్ ముందు సీట్లో ఒక వ్యక్తి కూర్చుని ఉన్న ఫొటోను పోస్ట్ చేసింది. 80లలో భారత మార్కెట్లోకి వచ్చిన ఈ వ్యాన్ను బాలీవుడ్ సినిమాల్లో తరచూ కిడ్నాపులకు వాడే వాహనంగా చూపేవారు. ఈ నేపథ్యంలోనే దీన్ని ‘కిడ్నాపింగ్ వ్యాన్’ మీమ్గా అభివర్ణిస్తారు. దీని ద్వారా కాంగ్రెస్ గుజరాత్ను రాజకీయంగా లక్ష్యం చేసుకుందని విశ్లేషణలు వెలువడ్డాయి.
కాంగ్రెస్ పోస్టుకు బీజేపీ తీవ్రంగా బదులిచ్చింది. బీజేపీ తెలంగాణ యూనిట్ ఒక మహిళ బార్ టేబుల్పై డ్యాన్స్ చేస్తున్న ఏఐ చిత్రాన్ని పోస్ట్ చేసి, ‘లుసియానా, ఇటలీ. సిర్కా-1970s’ అని క్యాప్షన్ ఇచ్చింది. ఇది సోనియా గాంధీ జన్మస్థలం కావడంతో ఆమెను ఉద్దేశించే ఈ పోస్ట్ పెట్టారని స్పష్టమైంది. బీజేపీ గుజరాత్ యూనిట్ మరో అడుగు ముందుకేసి, ఓ సీనియర్ కాంగ్రెస్ నేత పొట్టి దుస్తుల్లో, చేతిలో మద్యం గ్లాస్తో విదేశీయుల మధ్య ఉన్నట్టుగా చిత్రాన్ని పోస్ట్ చేసింది. అయితే, తీవ్ర విమర్శలు రావడంతో ఆ చిత్రాన్ని తర్వాత తొలగించింది. బీజేపీ కేరళ యూనిట్ కూడా ఇదే తరహా చిత్రాలను షేర్ చేసింది.
వాస్తవానికి ఈ ట్రెండ్ తొలుత సాధారణ సోషల్ మీడియా ఫ్యాషన్గా మొదలైంది. ఏఐ టూల్స్ ఉపయోగించి గతకాలపు ఫోటోలను రూపొందించడంపై చాలామంది ఆసక్తి చూపారు. ప్రధాని నరేంద్ర మోదీ, రాహుల్ గాంధీ సహా పలువురు నేతల ఏఐ చిత్రాలు కూడా వైరల్ అయ్యాయి. శశి థరూర్ వంటి కొందరు నేతలు తమ అసలైన 80ల నాటి ఫొటోలను షేర్ చేసి ఈ ట్రెండ్లో పాల్గొన్నారు. అయితే, రాజకీయ పార్టీలు దీన్ని పరస్పర విమర్శలకు వాడుకోవడంతో, ఈ మీమ్ వార్ సోషల్ మీడియాలో పెద్ద చర్చకు దారితీసింది.
ఈ వివాదం కాంగ్రెస్ కేరళ యూనిట్ షేర్ చేసిన ఒక ఏఐ-జనరేటెడ్ చిత్రంతో మొదలైంది. 1980ల నాటి గుజరాత్ వీధి అంటూ క్యాప్షన్ జోడించి, మారుతి సుజుకి ఓమ్ని వ్యాన్ ముందు సీట్లో ఒక వ్యక్తి కూర్చుని ఉన్న ఫొటోను పోస్ట్ చేసింది. 80లలో భారత మార్కెట్లోకి వచ్చిన ఈ వ్యాన్ను బాలీవుడ్ సినిమాల్లో తరచూ కిడ్నాపులకు వాడే వాహనంగా చూపేవారు. ఈ నేపథ్యంలోనే దీన్ని ‘కిడ్నాపింగ్ వ్యాన్’ మీమ్గా అభివర్ణిస్తారు. దీని ద్వారా కాంగ్రెస్ గుజరాత్ను రాజకీయంగా లక్ష్యం చేసుకుందని విశ్లేషణలు వెలువడ్డాయి.
కాంగ్రెస్ పోస్టుకు బీజేపీ తీవ్రంగా బదులిచ్చింది. బీజేపీ తెలంగాణ యూనిట్ ఒక మహిళ బార్ టేబుల్పై డ్యాన్స్ చేస్తున్న ఏఐ చిత్రాన్ని పోస్ట్ చేసి, ‘లుసియానా, ఇటలీ. సిర్కా-1970s’ అని క్యాప్షన్ ఇచ్చింది. ఇది సోనియా గాంధీ జన్మస్థలం కావడంతో ఆమెను ఉద్దేశించే ఈ పోస్ట్ పెట్టారని స్పష్టమైంది. బీజేపీ గుజరాత్ యూనిట్ మరో అడుగు ముందుకేసి, ఓ సీనియర్ కాంగ్రెస్ నేత పొట్టి దుస్తుల్లో, చేతిలో మద్యం గ్లాస్తో విదేశీయుల మధ్య ఉన్నట్టుగా చిత్రాన్ని పోస్ట్ చేసింది. అయితే, తీవ్ర విమర్శలు రావడంతో ఆ చిత్రాన్ని తర్వాత తొలగించింది. బీజేపీ కేరళ యూనిట్ కూడా ఇదే తరహా చిత్రాలను షేర్ చేసింది.
వాస్తవానికి ఈ ట్రెండ్ తొలుత సాధారణ సోషల్ మీడియా ఫ్యాషన్గా మొదలైంది. ఏఐ టూల్స్ ఉపయోగించి గతకాలపు ఫోటోలను రూపొందించడంపై చాలామంది ఆసక్తి చూపారు. ప్రధాని నరేంద్ర మోదీ, రాహుల్ గాంధీ సహా పలువురు నేతల ఏఐ చిత్రాలు కూడా వైరల్ అయ్యాయి. శశి థరూర్ వంటి కొందరు నేతలు తమ అసలైన 80ల నాటి ఫొటోలను షేర్ చేసి ఈ ట్రెండ్లో పాల్గొన్నారు. అయితే, రాజకీయ పార్టీలు దీన్ని పరస్పర విమర్శలకు వాడుకోవడంతో, ఈ మీమ్ వార్ సోషల్ మీడియాలో పెద్ద చర్చకు దారితీసింది.
