ఆర్‌ఎస్‌ఎస్‌కు షాక్‌.. విరాళాలు తీసుకోబోమంటూ 90 మంది అమెరికా నేతల ప్రతిజ్ఞ!
Advertisement
- ఆర్‌ఎస్‌ఎస్‌ అనుబంధ విరాళాలు తీసుకోబోమని నేతల తీర్మానం
- తీర్మానంపై సంతకం చేసిన రో ఖన్నా, ప్రమీలా జయపాల్‌
- ప్రచారంలో భాగమైన ఎనిమిది రాష్ట్రాల నేతలు
- పాత విరాళాలను తిరిగి ఇవ్వాలని ప్రతిజ్ఞలో కోరిన వైనం
- ప్రచారాన్ని తీవ్రంగా వ్యతిరేకించిన హిందూ అమెరికన్‌ సంస్థలు
Advertisement
అమెరికాలో ఆర్‌ఎస్‌ఎస్‌కు సంబంధించిన వ్యక్తులు, సంస్థల నుంచి రాజకీయ విరాళాలు స్వీకరించబోమంటూ 90 మంది రాజకీయ నేతలు ప్రతిజ్ఞ చేశారు. వీరిలో భారత సంతతికి చెందిన అమెరికా కాంగ్రెస్‌ సభ్యులు రో ఖన్నా, ప్రమీలా జయపాల్ కూడా ఉన్నారు. ఆర్‌ఎస్‌ఎస్‌ అధినేత మోహన్‌ భగవత్‌ న్యూయార్క్‌లోని మాడిసన్‌ స్క్వేర్‌ గార్డెన్‌లో కార్యక్రమానికి హాజరైన కొద్ది రోజులకే ఈ పరిణామం చోటుచేసుకుంది.
ఆగస్టు 31న ‘హిందూస్‌ ఫర్‌ హ్యూమన్‌ రైట్స్‌ యాక్షన్‌’, ‘సాక్రెడ్‌ యాక్ట్స్‌’ సంస్థలు ఈ ప్రతిజ్ఞను ప్రకటించాయి. డెమోక్రటిక్‌, రిపబ్లికన్‌ పార్టీలకు చెందిన నేతలు ఇందులో ఉన్నారు. ఎనిమిది రాష్ట్రాలకు చెందిన ఫెడరల్‌, రాష్ట్ర, స్థానిక స్థాయి ప్రజాప్రతినిధులు, అభ్యర్థులు సంతకాలు చేశారు.
ఆర్‌ఎస్‌ఎస్‌కు అనుబంధ వ్యక్తులు, సంస్థల నుంచి వచ్చే రాజకీయ విరాళాలను తిరస్కరించడంతో పాటు గతంలో అందుకున్న మొత్తాలను తిరిగి ఇవ్వాలని లేదా ప్రజాస్వామ్యానికి మద్దతిచ్చే సంస్థలకు మళ్లించాలని ప్రతిజ్ఞలో కోరారు. రాజకీయ హింస, బెదిరింపులను కూడా వ్యతిరేకించాలని నేతలకు పిలుపునిచ్చారు.
ప్రమీలా జయపాల్ ఆర్‌ఎస్‌ఎస్‌ను భారత్‌లో ప్రజాస్వామ్యాన్ని బలహీనపరిచేందుకు ప్రయత్నించే మితవాద సంస్థగా అభివర్ణించారు. ఇక రో ఖన్నా ఆర్‌ఎస్‌ఎస్‌ అమెరికా ఎన్నికలను ప్రభావితం చేయకుండా చూడాలని అన్నారు. ఇటీవల ఆర్‌ఎస్‌ఎస్‌తో సంబంధాలున్న ప్రో-మాగా బిలియనీర్‌ నుంచి వచ్చినట్లు గుర్తించిన 6,600 డాలర్ల విరాళాన్ని తాను దానం చేశానని వెల్లడించారు.
ఈ ప్రచారంపై హిందూ అమెరికన్ పొలిటికల్‌ యాక్షన్‌ కమిటీ తీవ్రంగా స్పందించింది. దీనిని వివక్షపూరిత, హిందూ వ్యతిరేక ప్రచారంగా అభివర్ణించింది. హిందూ అమెరికన్ల విరాళాలను మాత్రమే ప్రత్యేకంగా పరిశీలించడం సరికాదని హిందూ అమెరికన్ ఫౌండేషన్‌ ప్రతినిధి సుహాగ్‌ శుక్లా విమర్శించారు.
భగవత్‌ ఆగస్టు 29న న్యూయార్క్‌లో ‘యూనివర్సల్‌ వన్‌నెస్‌ సెలబ్రేషన్‌’ కార్యక్రమంలో ప్రసంగించారు. మతాల మధ్య అవగాహన, విశ్వమానవ ఐక్యతపై ఆయన మాట్లాడారు. ఈ కార్యక్రమానికి ముందే అమెరికా అంతర్జాతీయ మత స్వేచ్ఛ కమిషన్‌ ఆర్‌ఎస్‌ఎస్‌పై ఆంక్షలు విధించాలని సూచించింది. న్యూయార్క్‌ మేయర్‌ జొహ్రాన్‌ మమ్దానీ కూడా ఈ కార్యక్రమాన్ని వ్యతిరేకించారు.
ఆగస్టు 31న ‘హిందూస్‌ ఫర్‌ హ్యూమన్‌ రైట్స్‌ యాక్షన్‌’, ‘సాక్రెడ్‌ యాక్ట్స్‌’ సంస్థలు ఈ ప్రతిజ్ఞను ప్రకటించాయి. డెమోక్రటిక్‌, రిపబ్లికన్‌ పార్టీలకు చెందిన నేతలు ఇందులో ఉన్నారు. ఎనిమిది రాష్ట్రాలకు చెందిన ఫెడరల్‌, రాష్ట్ర, స్థానిక స్థాయి ప్రజాప్రతినిధులు, అభ్యర్థులు సంతకాలు చేశారు.
ఆర్‌ఎస్‌ఎస్‌కు అనుబంధ వ్యక్తులు, సంస్థల నుంచి వచ్చే రాజకీయ విరాళాలను తిరస్కరించడంతో పాటు గతంలో అందుకున్న మొత్తాలను తిరిగి ఇవ్వాలని లేదా ప్రజాస్వామ్యానికి మద్దతిచ్చే సంస్థలకు మళ్లించాలని ప్రతిజ్ఞలో కోరారు. రాజకీయ హింస, బెదిరింపులను కూడా వ్యతిరేకించాలని నేతలకు పిలుపునిచ్చారు.
ప్రమీలా జయపాల్ ఆర్‌ఎస్‌ఎస్‌ను భారత్‌లో ప్రజాస్వామ్యాన్ని బలహీనపరిచేందుకు ప్రయత్నించే మితవాద సంస్థగా అభివర్ణించారు. ఇక రో ఖన్నా ఆర్‌ఎస్‌ఎస్‌ అమెరికా ఎన్నికలను ప్రభావితం చేయకుండా చూడాలని అన్నారు. ఇటీవల ఆర్‌ఎస్‌ఎస్‌తో సంబంధాలున్న ప్రో-మాగా బిలియనీర్‌ నుంచి వచ్చినట్లు గుర్తించిన 6,600 డాలర్ల విరాళాన్ని తాను దానం చేశానని వెల్లడించారు.
ఈ ప్రచారంపై హిందూ అమెరికన్ పొలిటికల్‌ యాక్షన్‌ కమిటీ తీవ్రంగా స్పందించింది. దీనిని వివక్షపూరిత, హిందూ వ్యతిరేక ప్రచారంగా అభివర్ణించింది. హిందూ అమెరికన్ల విరాళాలను మాత్రమే ప్రత్యేకంగా పరిశీలించడం సరికాదని హిందూ అమెరికన్ ఫౌండేషన్‌ ప్రతినిధి సుహాగ్‌ శుక్లా విమర్శించారు.
భగవత్‌ ఆగస్టు 29న న్యూయార్క్‌లో ‘యూనివర్సల్‌ వన్‌నెస్‌ సెలబ్రేషన్‌’ కార్యక్రమంలో ప్రసంగించారు. మతాల మధ్య అవగాహన, విశ్వమానవ ఐక్యతపై ఆయన మాట్లాడారు. ఈ కార్యక్రమానికి ముందే అమెరికా అంతర్జాతీయ మత స్వేచ్ఛ కమిషన్‌ ఆర్‌ఎస్‌ఎస్‌పై ఆంక్షలు విధించాలని సూచించింది. న్యూయార్క్‌ మేయర్‌ జొహ్రాన్‌ మమ్దానీ కూడా ఈ కార్యక్రమాన్ని వ్యతిరేకించారు.
Advertisement