‘సార్, మిమ్మల్ని హగ్ చేసుకోవచ్చా?’.. సీఎం విజయ్ రియాక్షన్ ఇదే!
- హగ్ చేసుకోవచ్చా? అని సీఎం విజయ్ని అడిగిన జూనియర్ డాక్టర్
- చిరునవ్వుతో అంగీకరించిన ముఖ్యమంత్రి
- చెన్నైలో ఆరోగ్య శాఖ నియామక పత్రాల పంపిణీ కార్యక్రమంలో ఘటన
- మొత్తం 2,144 మందికి నియామక ఉత్తర్వులు అందజేత
- సీఎం విజయ్ నిరాడంబరతపై నెటిజన్ల ప్రశంసల వర్షం
తమిళనాడు ముఖ్యమంత్రి విజయ్ మరోసారి తన నిరాడంబరతతో, మానవీయ కోణంతో ప్రజల మనసులను గెలుచుకున్నారు. చెన్నైలో జరిగిన ఓ ప్రభుత్వ కార్యక్రమంలో ఓ యువ డాక్టర్ ఆయనను ఆప్యాయంగా కౌగిలించుకున్న ఘటన అందరినీ ఆకట్టుకుంటోంది. "సార్, మిమ్మల్ని ఒకసారి హగ్ చేసుకోవచ్చా?" అని ఆ డాక్టర్ అడగ్గా, సీఎం విజయ్ చిరునవ్వుతో అంగీకరించి అతడిని ఆప్యాయంగా హత్తుకున్నారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
తమిళనాడు వైద్యారోగ్య శాఖలో కొత్తగా ఎంపికైన అభ్యర్థులకు నియామక పత్రాలు అందించేందుకు చెన్నైలో ఈ కార్యక్రమాన్ని నిర్వహించారు. ఈ సందర్భంగా 751 మంది అసిస్టెంట్ మెడికల్ ఆఫీసర్లు, 1,393 మంది హెల్త్ ఇన్స్పెక్టర్లతో కలిపి మొత్తం 2,144 మందికి సీఎం విజయ్ చేతుల మీదుగా నియామక ఉత్తర్వులు పంపిణీ చేశారు. ఈ క్రమంలోనే స్టేజ్పైకి వచ్చిన ఓ జూనియర్ డాక్టర్, తన అభిమాన నేతను చూసి ఈ విధంగా తన ఆనందాన్ని వ్యక్తం చేశారు.
ముఖ్యమంత్రిగా బాధ్యతలు చేపట్టినప్పటి నుంచి విజయ్.. ప్రోటోకాల్ను పక్కనపెట్టి సామాన్యులతో మమేకమవుతున్నారు. గతంలో కూడా ఓ గర్భిణీ అభ్యర్థిని కోసం స్వయంగా స్టేజ్ దిగి వచ్చి ఆమెకు నియామక పత్రం అందించిన సంగతి తెలిసిందే. తాజా ఘటనతో సీఎం హోదాలో ఉన్నప్పటికీ ఎంతో ఆప్యాయంగా మెలుగుతున్న విజయ్ తీరుపై సర్వత్రా ప్రశంసల వర్షం కురుస్తోంది.
తమిళనాడు వైద్యారోగ్య శాఖలో కొత్తగా ఎంపికైన అభ్యర్థులకు నియామక పత్రాలు అందించేందుకు చెన్నైలో ఈ కార్యక్రమాన్ని నిర్వహించారు. ఈ సందర్భంగా 751 మంది అసిస్టెంట్ మెడికల్ ఆఫీసర్లు, 1,393 మంది హెల్త్ ఇన్స్పెక్టర్లతో కలిపి మొత్తం 2,144 మందికి సీఎం విజయ్ చేతుల మీదుగా నియామక ఉత్తర్వులు పంపిణీ చేశారు. ఈ క్రమంలోనే స్టేజ్పైకి వచ్చిన ఓ జూనియర్ డాక్టర్, తన అభిమాన నేతను చూసి ఈ విధంగా తన ఆనందాన్ని వ్యక్తం చేశారు.
ముఖ్యమంత్రిగా బాధ్యతలు చేపట్టినప్పటి నుంచి విజయ్.. ప్రోటోకాల్ను పక్కనపెట్టి సామాన్యులతో మమేకమవుతున్నారు. గతంలో కూడా ఓ గర్భిణీ అభ్యర్థిని కోసం స్వయంగా స్టేజ్ దిగి వచ్చి ఆమెకు నియామక పత్రం అందించిన సంగతి తెలిసిందే. తాజా ఘటనతో సీఎం హోదాలో ఉన్నప్పటికీ ఎంతో ఆప్యాయంగా మెలుగుతున్న విజయ్ తీరుపై సర్వత్రా ప్రశంసల వర్షం కురుస్తోంది.
