కోహ్లీ 'టేస్ట్'పై ఇన్‌స్టా పోస్ట్.. అసహనం వ్యక్తం చేసిన మాజీ గాళ్ ఫ్రెండ్!

టీమిండియా స్టార్ బ్యాటర్ విరాట్ కోహ్లీ మరోసారి సోషల్ మీడియాలో వార్తల్లో నిలిచాడు. అయితే ఈసారి ఆట గురించి కాదు, తన పాత ప్రేమ వ్యవహారం గురించి. కోహ్లీకి సంబంధించిన ఓ వైరల్ పోస్ట్‌పై అతడి మాజీ ప్రియురాలు, బ్రెజిలియన్ నటి ఇజాబెల్ లీట్ స్పందించడంతో ఈ విషయం చర్చనీయాంశమైంది.

విరాట్ కోహ్లీకి సంబంధం ఉన్న మహిళల ఫోటోలతో ఓ ఇన్‌స్టాగ్రామ్ పేజీ కొలాజ్ క్రియేట్ చేసింది. అందులో అతడి భార్య అనుష్క శర్మ, మాజీ ప్రేయసి ఇజాబెల్ లైట్, ఇటీవల కోహ్లీ లైక్ చేసిన జర్మన్ ఇన్‌ఫ్లుయెన్సర్ లిజ్‌లాజ్, నటి అవ్నీత్ కౌర్ ఫోటోలు ఉన్నాయి. "ఫీల్డ్‌లో, ఆఫ్ ఫీల్డ్‌లో కోహ్లీ అస్సలు మిస్ అవ్వడు. అతడి టేస్ట్ చాలా ఎలైట్‌గా ఉంటుంది" అంటూ ఆ పోస్ట్‌కు క్యాప్షన్ పెట్టారు.

ఈ పోస్ట్ చూసిన ఇజాబెల్ తన అసహనాన్ని వ్యక్తం చేసింది. తన ఫొటోను కోహ్లీతో లింకప్ చేస్తూ కొలాజ్ ఫొటో పెట్టడం పట్ల అభ్యంతరం వెలిబుచ్చింది. "ఇది జరిగి (కోహ్లీతో అఫైర్) 12 ఏళ్లు గడిచాయి. ప్రజలు ఇంకా దీన్ని ఎందుకు మర్చిపోలేకపోతున్నారు?" అని ఆమె కామెంట్ రూపంలో ప్రశ్నించింది. 

ఆమె వ్యాఖ్యకు చాలా మంది నెటిజన్లు మద్దతు పలికారు. ఇటీవల విరాట్.. జర్మన్ ఇన్‌ఫ్లుయెన్సర్ లిజ్‌లాజ్ ఫోటోను ఇన్‌స్టాలో లైక్ చేసి, వెంటనే అన్‌లైక్ చేశారు. గతంలో అవ్నీత్ కౌర్ ఫోటోను లైక్ చేసినప్పుడు అది 'అల్గారిథమ్ ఎర్రర్' అని వివరణ ఇచ్చారు. ఈ నేపథ్యంలోనే తాజా పోస్ట్ వైరల్ అయింది.

ఇజాబెల్ లీట్ 2014లో విరాట్‌తో రెండేళ్లు డేటింగ్ చేసినట్లు ధృవీకరించారు. అనంతరం 2017లో కోహ్లీ, అనుష్క శర్మను వివాహం చేసుకోగా, వారికి వామిక, అకాయ్ అనే ఇద్దరు పిల్లలు ఉన్నారు. ప్రస్తుతం ఈ వైరల్ పోస్ట్, దానిపై ఇజాబెల్ స్పందన సోషల్ మీడియాలో హాట్ టాపిక్‌గా మారాయి.