Bhuvneshwar Kumar: చిన్నస్వామిలో హైస్కోరింగ్ మ్యాచ్... సీఎస్కేపై ఆర్సీబీ ఘనవిజయం.. చరిత్ర సృష్టించిన భువీ!
బెంగళూరు చిన్నస్వామి స్టేడియం వేదికగా జరిగిన ఐపీఎల్ మ్యాచ్లో రాయల్ ఛాలెంజర్స్ బెంగళూరు ఆకట్టుకునే ప్రదర్శన కనబరిచింది. పరుగుల వరద పారిన ఈ హై-స్కోరింగ్ మ్యాచ్లో చెన్నై సూపర్ కింగ్స్పై 43 పరుగుల తేడాతో ఆర్సీబీ ఘన విజయం సాధించింది. తొలుత బ్యాటింగ్ చేసిన ఆర్సీబీ 20 ఓవర్లలో 3 వికెట్లకు 250 పరుగులు చేయగా... 251 పరుగుల భారీ లక్ష్యాన్ని ఛేదించడంలో చెన్నై విఫలమైంది.
టాస్ గెలిచి బౌలింగ్ ఎంచుకున్న చెన్నై నిర్ణయం బెడిసికొట్టింది. ఆర్సీబీ బ్యాటర్లు ఆకాశమే హద్దుగా చెలరేగారు. ఓపెనర్లు ఫిలిప్ సాల్ట్ (46), విరాట్ కోహ్లీ (28) మంచి ఆరంభాన్ని ఇవ్వగా, దేవదత్ పడిక్కల్ (50) అర్ధశతకంతో ఆకట్టుకున్నాడు. అయితే, అసలు విధ్వంసం ఆఖరి ఓవర్లలో చోటుచేసుకుంది. కెప్టెన్ రజత్ పటీదార్ (19 బంతుల్లో 48 నాటౌట్), టిమ్ డేవిడ్ (25 బంతుల్లో 70) ఆకాశమే హద్దుగా చెలరేగారు. వీరిద్దరూ కలిసి కేవలం 35 బంతుల్లోనే 99 పరుగుల అజేయ భాగస్వామ్యం నెలకొల్పి స్కోరు బోర్డును పరుగులు పెట్టించారు. దీంతో ఆర్సీబీ నిర్ణీత 20 ఓవర్లలో 3 వికెట్ల నష్టానికి 250 పరుగుల భారీ స్కోరు సాధించింది.
భారీ లక్ష్య ఛేదనలో చెన్నై సూపర్ కింగ్స్ గట్టిగానే పోరాడింది. సర్ఫరాజ్ ఖాన్ (25 బంతుల్లో 50) అర్ధశతకంతో రాణించగా, ప్రశాంత్ వీర్ (43), జేమీ ఓవర్టన్ (37) మెరుపులు మెరిపించారు. అయితే, ఆరంభంలోనే రుతురాజ్ గైక్వాడ్, సంజూ శాంసన్ వికెట్లను త్వరగా కోల్పోవడం జట్టుపై ఒత్తిడి పెంచింది. బ్యాటర్లు పోరాడినా, లక్ష్యం మరీ పెద్దది కావడంతో చెన్నై 19.4 ఓవర్లలో 207 పరుగులకు ఆలౌట్ అయింది.
ఈ మ్యాచ్ ద్వారా ఆర్సీబీ పేసర్ భువనేశ్వర్ కుమార్ అరుదైన చరిత్ర సృష్టించాడు. మూడు కీలక వికెట్లు పడగొట్టిన భువీ, ఐపీఎల్ చరిత్రలో 200 వికెట్ల మైలురాయిని అందుకున్నాడు. ఈ ఘనత సాధించిన తొలి ఫాస్ట్ బౌలర్గా నిలిచి సరికొత్త రికార్డు నెలకొల్పాడు. అతడితో పాటు అభినందన్ సింగ్, కృనాల్ పాండ్యా రెండేసి వికెట్లు తీసి జట్టు విజయంలో కీలకపాత్ర పోషించారు.
భువనేశ్వర్ స్పెషల్
భువనేశ్వర్ కుమార్ ఐపీఎల్లో 200 వికెట్లు పడగొట్టిన మొట్టమొదటి ఫాస్ట్ బౌలర్గా, ఓవరాల్గా రెండో బౌలర్గా అరుదైన ఘనతను తన ఖాతాలో వేసుకున్నాడు. బెంగళూరు వేదికగా చెన్నై సూపర్ కింగ్స్ (సీఎస్కే)తో జరిగిన మ్యాచ్లో చెన్నై బ్యాటర్ అయుష్ మహత్రేను ఔట్ చేయడం ద్వారా భువనేశ్వర్ ఈ ఫీట్ సాధించాడు. ఇంతకుముందు లెగ్ స్పిన్నర్ యజువేంద్ర చాహల్ (224 వికెట్లు) మాత్రమే ఈ మైలురాయిని అందుకున్నాడు.
2011లో పుణే వారియర్స్ ద్వారా ఐపీఎల్లోకి అడుగుపెట్టిన భువనేశ్వర్, సన్రైజర్స్ హైదరాబాద్ (ఎస్ఆర్హెచ్) జట్టుకు సుదీర్ఘ కాలం ప్రాతినిధ్యం వహించాడు. 2016, 2017 సీజన్లలో వరుసగా రెండుసార్లు పర్పుల్ క్యాప్ గెలుచుకున్న ఏకైక బౌలర్గా చరిత్రకెక్కాడు. ముఖ్యంగా 2016లో ఎస్ఆర్హెచ్ టైటిల్ గెలవడంలో భువీ కీలక పాత్ర పోషించాడు. తన కెరీర్లో పవర్ప్లేలో అత్యధికంగా 81 వికెట్లు తీయడమే కాకుండా, డెత్ ఓవర్లలోనూ 93 వికెట్లతో సత్తా చాటాడు. ప్రస్తుతం 36 ఏళ్ల వయసులోనూ ఆర్సీబీ బౌలింగ్ దళానికి కీలకంగా మారిన భువనేశ్వర్, తన స్వింగ్ బౌలింగ్తో ఇప్పటికీ రాణిస్తుండటం విశేషం.
టాస్ గెలిచి బౌలింగ్ ఎంచుకున్న చెన్నై నిర్ణయం బెడిసికొట్టింది. ఆర్సీబీ బ్యాటర్లు ఆకాశమే హద్దుగా చెలరేగారు. ఓపెనర్లు ఫిలిప్ సాల్ట్ (46), విరాట్ కోహ్లీ (28) మంచి ఆరంభాన్ని ఇవ్వగా, దేవదత్ పడిక్కల్ (50) అర్ధశతకంతో ఆకట్టుకున్నాడు. అయితే, అసలు విధ్వంసం ఆఖరి ఓవర్లలో చోటుచేసుకుంది. కెప్టెన్ రజత్ పటీదార్ (19 బంతుల్లో 48 నాటౌట్), టిమ్ డేవిడ్ (25 బంతుల్లో 70) ఆకాశమే హద్దుగా చెలరేగారు. వీరిద్దరూ కలిసి కేవలం 35 బంతుల్లోనే 99 పరుగుల అజేయ భాగస్వామ్యం నెలకొల్పి స్కోరు బోర్డును పరుగులు పెట్టించారు. దీంతో ఆర్సీబీ నిర్ణీత 20 ఓవర్లలో 3 వికెట్ల నష్టానికి 250 పరుగుల భారీ స్కోరు సాధించింది.
భారీ లక్ష్య ఛేదనలో చెన్నై సూపర్ కింగ్స్ గట్టిగానే పోరాడింది. సర్ఫరాజ్ ఖాన్ (25 బంతుల్లో 50) అర్ధశతకంతో రాణించగా, ప్రశాంత్ వీర్ (43), జేమీ ఓవర్టన్ (37) మెరుపులు మెరిపించారు. అయితే, ఆరంభంలోనే రుతురాజ్ గైక్వాడ్, సంజూ శాంసన్ వికెట్లను త్వరగా కోల్పోవడం జట్టుపై ఒత్తిడి పెంచింది. బ్యాటర్లు పోరాడినా, లక్ష్యం మరీ పెద్దది కావడంతో చెన్నై 19.4 ఓవర్లలో 207 పరుగులకు ఆలౌట్ అయింది.
ఈ మ్యాచ్ ద్వారా ఆర్సీబీ పేసర్ భువనేశ్వర్ కుమార్ అరుదైన చరిత్ర సృష్టించాడు. మూడు కీలక వికెట్లు పడగొట్టిన భువీ, ఐపీఎల్ చరిత్రలో 200 వికెట్ల మైలురాయిని అందుకున్నాడు. ఈ ఘనత సాధించిన తొలి ఫాస్ట్ బౌలర్గా నిలిచి సరికొత్త రికార్డు నెలకొల్పాడు. అతడితో పాటు అభినందన్ సింగ్, కృనాల్ పాండ్యా రెండేసి వికెట్లు తీసి జట్టు విజయంలో కీలకపాత్ర పోషించారు.
భువనేశ్వర్ స్పెషల్
భువనేశ్వర్ కుమార్ ఐపీఎల్లో 200 వికెట్లు పడగొట్టిన మొట్టమొదటి ఫాస్ట్ బౌలర్గా, ఓవరాల్గా రెండో బౌలర్గా అరుదైన ఘనతను తన ఖాతాలో వేసుకున్నాడు. బెంగళూరు వేదికగా చెన్నై సూపర్ కింగ్స్ (సీఎస్కే)తో జరిగిన మ్యాచ్లో చెన్నై బ్యాటర్ అయుష్ మహత్రేను ఔట్ చేయడం ద్వారా భువనేశ్వర్ ఈ ఫీట్ సాధించాడు. ఇంతకుముందు లెగ్ స్పిన్నర్ యజువేంద్ర చాహల్ (224 వికెట్లు) మాత్రమే ఈ మైలురాయిని అందుకున్నాడు.
2011లో పుణే వారియర్స్ ద్వారా ఐపీఎల్లోకి అడుగుపెట్టిన భువనేశ్వర్, సన్రైజర్స్ హైదరాబాద్ (ఎస్ఆర్హెచ్) జట్టుకు సుదీర్ఘ కాలం ప్రాతినిధ్యం వహించాడు. 2016, 2017 సీజన్లలో వరుసగా రెండుసార్లు పర్పుల్ క్యాప్ గెలుచుకున్న ఏకైక బౌలర్గా చరిత్రకెక్కాడు. ముఖ్యంగా 2016లో ఎస్ఆర్హెచ్ టైటిల్ గెలవడంలో భువీ కీలక పాత్ర పోషించాడు. తన కెరీర్లో పవర్ప్లేలో అత్యధికంగా 81 వికెట్లు తీయడమే కాకుండా, డెత్ ఓవర్లలోనూ 93 వికెట్లతో సత్తా చాటాడు. ప్రస్తుతం 36 ఏళ్ల వయసులోనూ ఆర్సీబీ బౌలింగ్ దళానికి కీలకంగా మారిన భువనేశ్వర్, తన స్వింగ్ బౌలింగ్తో ఇప్పటికీ రాణిస్తుండటం విశేషం.
