రామ్ చరణ్-ఉపాసన దంపతులకు కంగ్రాట్స్ చెప్పిన అల్లు అర్జున్

గ్లోబల్ స్టార్ రామ్ చరణ్, ఉపాసన కొణిదెల దంపతులు మరోసారి తల్లిదండ్రులైన సందర్భంగా టాలీవుడ్ ఐకాన్ స్టార్ అల్లు అర్జున్ వారికి ప్రత్యేక శుభాకాంక్షలు తెలిపారు. కవల పిల్లలకు జన్మనిచ్చిన ఈ జంటకు సోషల్ మీడియా వేదికగా ఆయన తన ఆనందాన్ని పంచుకున్నారు. మెగా ఫ్యామిలీలో నెలకొన్న పండగ వాతావరణాన్ని తన మాటల్లో వ్యక్తపరిచారు.

ఈ సందర్భంగా అల్లు అర్జున్ తన సందేశాన్ని పంచుకుంటూ, "మరోసారి అద్భుతమైన రీతిలో తల్లిదండ్రులైన రామ్ చరణ్, ఉపాసనలకు నా అభినందనలు. కుటుంబంలో అంతటా ఆనందం, సంబరాలు వెల్లివిరుస్తున్నాయి. ముఖ్యంగా చిరంజీవి గారి ముఖంలో గర్వం, సంతోషం వెలిగిపోతున్నాయి. వారిని, మొత్తం కుటుంబాన్ని నవ్వుతూ చూడటం చాలా ఆనందంగా ఉంది" అని పేర్కొన్నారు.

"చిన్నారులు తమ రాకతో ప్రపంచంలోకి మరింత సంతోషాన్ని తీసుకొచ్చారు. ఈ అందమైన కొత్త ఆరంభానికి ఇది రెట్టింపు ప్రేమ, రెట్టింపు ఆనందం" అంటూ అల్లు అర్జున్ తన పోస్టులో ముగించారు. ఇప్పటికే క్లీంకార అనే కుమార్తె ఉన్న చరణ్-ఉపాసన దంపతుల ఇంట కవలల రాకతో మెగా కుటుంబంలో సంతోషం రెట్టింపైంది.