నువ్వే నా బలం, నా ప్రశాంతత : లోకేశ్‌కు బ్రాహ్మణి పుట్టినరోజు శుభాకాంక్షలు

తెలుగుదేశం పార్టీ జాతీయ ప్రధాన కార్యదర్శి నారా లోకేశ్ ఈరోజు తన పుట్టినరోజు జరుపుకుంటున్నారు. ఈ సందర్భంగా ఆయన సతీమణి నారా బ్రాహ్మణి సోషల్ మీడియా వేదికగా భావోద్వేగ శుభాకాంక్షలు తెలిపారు. తన భర్త పడుతున్న శ్రమను, చేస్తున్న త్యాగాలను గుర్తుచేసుకుంటూ ఆమె చేసిన పోస్ట్ అందరినీ ఆకట్టుకుంటోంది.

"నా బలం, నా ప్రశాంతత అయిన లోకేశ్‌కు పుట్టినరోజు శుభాకాంక్షలు. మీ సుదీర్ఘ శ్రమను, త్యాగాలను, నిశ్శబ్దంగా మీరు మోస్తున్న భారాన్ని నేను చూస్తున్నాను. మార్పు తీసుకురావాలన్న మీ నిబద్ధత మా అందరికీ స్ఫూర్తినిస్తుంది. ఈ హడావుడి జీవితంలో ఈ ఏడాదైనా మీకు కాస్త శాంతి లభించాలని కోరుకుంటున్నాను. మీ పక్కన నడవడానికి ఎప్పుడూ గర్వపడతాను" అని బ్రాహ్మణి ‘ఎక్స్’లో పోస్ట్ చేశారు. ఆమె చేసిన ఈ పోస్ట్ ప్రస్తుతం సోషల్ మీడియాలో వైరల్ అవుతోంది.

మరోవైపు, లోకేశ్ మామ, హిందూపురం ఎమ్మెల్యే నందమూరి బాలకృష్ణ కూడా అల్లుడికి పుట్టినరోజు శుభాకాంక్షలు తెలిపారు. ప్రజాసేవలో నిండు నూరేళ్లు ఆరోగ్యంగా, ఆనందంగా ఉండాలని ఆకాంక్షించారు. పార్టీ నాయకులు, కార్యకర్తలు, అభిమానులు కూడా లోకేశ్‌కు సోషల్ మీడియా ద్వారా పెద్ద ఎత్తున శుభాకాంక్షలు తెలియజేస్తున్నారు.