Devakinandan Thakur: ముస్తాఫిజూర్ ను తప్పించడంపై బీసీసీఐకి కృతజ్ఞతలు తెలిపిన దేవకీనందన్ ఠాకూర్
- ఐపీఎల్ నుంచి బంగ్లాదేశ్ ప్లేయర్ను తొలగించిన బీసీసీఐ
- స్వాగతించిన ఆధ్యాత్మిక గురువు దేవకీనందన్ ఠాకూర్
- హిందువుల మనోభావాలను కేకేఆర్ విస్మరించిందని విమర్శ
ఐపీఎల్ 2026 సీజన్ నుంచి బంగ్లాదేశ్ క్రికెటర్ ముస్తాఫిజుర్ రెహమాన్ను తప్పిస్తూ బీసీసీఐ తీసుకున్న నిర్ణయంపై ఆధ్యాత్మిక గురువు, ప్రవచనకర్త దేవకీనందన్ ఠాకూర్ హర్షం వ్యక్తం చేశారు. తన విజ్ఞప్తికి బీసీసీఐ సానుకూలంగా స్పందించిందని చెప్పారు. అదే సమయంలో, కోల్కతా నైట్ రైడర్స్ (కేకేఆర్) ఫ్రాంచైజీపై, దాని యజమాని షారుఖ్ ఖాన్పై ఆయన తీవ్ర విమర్శలు చేశారు.
ఈ సందర్భంగా దేవకీనందన్ మాట్లాడుతూ.. "బంగ్లాదేశ్ క్రికెటర్లను ఐపీఎల్లో ఆడించవద్దని మేం విజ్ఞప్తి చేశాం. మా అభ్యర్థనను మన్నించిన బీసీసీఐకి మేం కృతజ్ఞతలు తెలుపుతున్నాం. కానీ, హిందువుల మనోభావాలను, వారి ఆవేదనను కేకేఆర్ అర్థం చేసుకోలేదు. బంగ్లాదేశ్లో హిందువులపై దాడులు జరుగుతున్నా, ఆ దేశ క్రికెటర్ను జట్టులో ఉంచుకుంది. కనీసం ఒక అధికారిక ప్రకటన కూడా చేయలేదు. ఈ ప్రవర్తన సనాతన ధర్మ ఫౌండేషన్ సభ్యులతో పాటు హిందువులందరినీ బాధించింది" అని అన్నారు.
శనివారం నాడు బీసీసీఐ ఆదేశాల మేరకు, కేకేఆర్ యాజమాన్యం తమ జట్టు నుంచి బంగ్లాదేశ్ ఫాస్ట్ బౌలర్ ముస్తాఫిజుర్ రెహమాన్ను తొలగించిన విషయం తెలిసిందే.
మరోవైపు, ఈ వివాదంపై క్రికెటర్ రింకూ సింగ్ కోచ్ మసూద్ ఉజ్ జాఫర్ అమిని స్పందించారు. క్రీడలను, రాజకీయాలను కలపడం మంచిది కాదని, అది ఆటపై చెడు ప్రభావం చూపుతుందని ఆయన అభిప్రాయపడ్డారు. "ముస్తాఫిజుర్ ముందుగా ఒక క్రికెటర్, ఆ తర్వాతే హిందూ లేదా ముస్లిం. క్రీడాకారులతో రాజకీయం చేయకూడదు. అయితే, ఇది దేశానికి సంబంధించిన నిర్ణయం కాబట్టి, బీసీసీఐ తీసుకున్న నిర్ణయానికి కట్టుబడి ఉండాలి" అని ఆయన పేర్కొన్నారు.
ఈ సందర్భంగా దేవకీనందన్ మాట్లాడుతూ.. "బంగ్లాదేశ్ క్రికెటర్లను ఐపీఎల్లో ఆడించవద్దని మేం విజ్ఞప్తి చేశాం. మా అభ్యర్థనను మన్నించిన బీసీసీఐకి మేం కృతజ్ఞతలు తెలుపుతున్నాం. కానీ, హిందువుల మనోభావాలను, వారి ఆవేదనను కేకేఆర్ అర్థం చేసుకోలేదు. బంగ్లాదేశ్లో హిందువులపై దాడులు జరుగుతున్నా, ఆ దేశ క్రికెటర్ను జట్టులో ఉంచుకుంది. కనీసం ఒక అధికారిక ప్రకటన కూడా చేయలేదు. ఈ ప్రవర్తన సనాతన ధర్మ ఫౌండేషన్ సభ్యులతో పాటు హిందువులందరినీ బాధించింది" అని అన్నారు.
శనివారం నాడు బీసీసీఐ ఆదేశాల మేరకు, కేకేఆర్ యాజమాన్యం తమ జట్టు నుంచి బంగ్లాదేశ్ ఫాస్ట్ బౌలర్ ముస్తాఫిజుర్ రెహమాన్ను తొలగించిన విషయం తెలిసిందే.
మరోవైపు, ఈ వివాదంపై క్రికెటర్ రింకూ సింగ్ కోచ్ మసూద్ ఉజ్ జాఫర్ అమిని స్పందించారు. క్రీడలను, రాజకీయాలను కలపడం మంచిది కాదని, అది ఆటపై చెడు ప్రభావం చూపుతుందని ఆయన అభిప్రాయపడ్డారు. "ముస్తాఫిజుర్ ముందుగా ఒక క్రికెటర్, ఆ తర్వాతే హిందూ లేదా ముస్లిం. క్రీడాకారులతో రాజకీయం చేయకూడదు. అయితే, ఇది దేశానికి సంబంధించిన నిర్ణయం కాబట్టి, బీసీసీఐ తీసుకున్న నిర్ణయానికి కట్టుబడి ఉండాలి" అని ఆయన పేర్కొన్నారు.
