విశాఖలో పెట్టుబడుల సందడి.. రూ.10 లక్షల కోట్ల పెట్టుబడులే లక్ష్యంగా సీఐఐ సదస్సు
- నేటి నుంచి విశాఖలో సీఐఐ భాగస్వామ్య సదస్సు
- మూడు రోజుల పాటు సీఎం చంద్రబాబు కీలక సమావేశాలు, శంకుస్థాపనలు
- గూగుల్ డేటా సెంటర్, లులూ మాల్, రేమండ్ ప్రాజెక్టులకు శ్రీకారం
- విజయవాడ-సింగపూర్ విమాన సర్వీసులపై కీలక ఒప్పందం
ఆంధ్రప్రదేశ్ పారిశ్రామిక ప్రగతికి కీలక వేదికగా నిలవనున్న 30వ భాగస్వామ్య సదస్సు విశాఖపట్నంలో ఘనంగా ప్రారంభమైంది. రాష్ట్ర ప్రభుత్వం, భారత పరిశ్రమల సమాఖ్య (సీఐఐ) సంయుక్తంగా నిర్వహిస్తున్న ఈ సదస్సు కోసం ముఖ్యమంత్రి చంద్రబాబు నాయుడు నిన్న రాత్రే విశాఖకు చేరుకున్నారు. ఈ రోజు నుంచి శనివారం వరకు మూడు రోజుల పాటు జరగనున్న ఈ సదస్సులో పలు దేశాల ప్రతినిధులు, దిగ్గజ పారిశ్రామికవేత్తలతో కీలక సమావేశాలు, ఒప్పందాలు, శంకుస్థాపనలు జరగనున్నాయి. రాష్ట్రానికి రూ.10 లక్షల కోట్ల పెట్టుబడులను ఆకర్షించడమే లక్ష్యంగా ప్రభుత్వం ఈ సదస్సును ప్రతిష్ఠాత్మకంగా నిర్వహిస్తోంది.
సీఎం చంద్రబాబు షెడ్యూల్ ఇలా..
గురువారం (13వ తేదీ) నోవోటెల్లో జరిగే ‘ఇండియా-యూరప్ బిజినెస్ రౌండ్ టేబుల్’ సమావేశంతో సీఎం కార్యక్రమాలు ప్రారంభమవుతాయి. యూరోపియన్ పెట్టుబడులు, గ్రీన్ షిఫ్ట్, సస్టెయినబుల్ ఇన్నోవేషన్ వంటి అంశాలపై ఈ సమావేశంలో చర్చిస్తారు. అనంతరం తైవాన్, ఇటలీ, స్వీడన్, నెదర్లాండ్స్ ప్రతినిధులతో పాటు ఎస్పీపీ పంప్స్, రెన్యూపవన్, మురుగప్ప గ్రూపు, హీరో ఫ్యూచర్ వంటి ప్రముఖ సంస్థల ప్రతినిధులతో ముఖ్యమంత్రి భేటీ అవుతారు.
శుక్రవారం (14వ తేదీ) అధికారికంగా సదస్సు ప్రారంభమైన తర్వాత ‘టెక్నాలజీ, ట్రస్ట్ అండ్ ట్రేడ్’ అనే అంశంపై చర్చాగోష్ఠి జరగనుంది. మధ్యాహ్నం 'ఏఐ ఫర్ వికసిత్ భారత్' సదస్సులో సీఎం చంద్రబాబు ప్రసంగించి, రాష్ట్ర ఆర్థికాభివృద్ధికి ఏఐ ఎలా దోహదపడుతుందో వివరిస్తారు. ఈ రోజే విజయవాడ నుంచి సింగపూర్కు నేరుగా విమాన సర్వీసులు నడిపేందుకు సింగపూర్ ప్రతినిధులతో ఒప్పందం కుదుర్చుకోనున్నారు. సాయంత్రం విశాఖలో లులూ గ్రూప్ నిర్మించనున్న నూతన మాల్కు చంద్రబాబు శంకుస్థాపన చేస్తారు.
కీలక ప్రాజెక్టులకు శంకుస్థాపన
సదస్సు చివరి రోజైన శనివారం (15వ తేదీ) కూడా పలు కీలక కార్యక్రమాలు జరగనున్నాయి. రేమండ్, శ్రీసిటీ, ఇండోసోల్ ప్రాజెక్టులకు ముఖ్యమంత్రి శంకుస్థాపన చేస్తారు. ముఖ్యంగా, టెక్ దిగ్గజం గూగుల్ ఏర్పాటు చేయనున్న డేటా సెంటర్కు కూడా ఇదే రోజు శంకుస్థాపన చేయడం విశేషం. అనంతరం బహ్రెయిన్, న్యూజిలాండ్, కెనడా, జపాన్ దేశాల ప్రతినిధులతో భేటీ అవుతారు. వరల్డ్ ఎకనమిక్ ఫోరానికి చెందిన ‘సెంటర్ ఫర్ ఫ్రాంటియర్ టెక్నాలజీస్’ను కూడా ప్రారంభిస్తారు. సాయంత్రం పలు సంస్థలతో అవగాహన ఒప్పందాల (ఎంఓయూ) కార్యక్రమం ఉంటుంది. సదస్సు ముగింపులో మీడియా సమావేశం నిర్వహించి, సాధించిన ఫలితాలను సీఎం వివరిస్తారు.
ఈ సదస్సును విజయవంతం చేసేందుకు ముఖ్యమంత్రి చంద్రబాబు ఇప్పటికే సింగపూర్, యూఏఈ, యూకే దేశాల్లో పర్యటించి పారిశ్రామికవేత్తలను ఆహ్వానించారు. మంత్రి నారా లోకేశ్తో పాటు ఇతర మంత్రులు కూడా దేశ, విదేశాల్లో పలు సంస్థలతో చర్చలు జరిపారు. ఈ భాగస్వామ్య సదస్సు ద్వారా రాష్ట్రంలో పెద్ద ఎత్తున పరిశ్రమలు ఏర్పాటవుతాయని, తద్వారా యువతకు ఉపాధి అవకాశాలు మెరుగవుతాయని ప్రభుత్వం ధీమా వ్యక్తం చేస్తోంది.
సీఎం చంద్రబాబు షెడ్యూల్ ఇలా..
గురువారం (13వ తేదీ) నోవోటెల్లో జరిగే ‘ఇండియా-యూరప్ బిజినెస్ రౌండ్ టేబుల్’ సమావేశంతో సీఎం కార్యక్రమాలు ప్రారంభమవుతాయి. యూరోపియన్ పెట్టుబడులు, గ్రీన్ షిఫ్ట్, సస్టెయినబుల్ ఇన్నోవేషన్ వంటి అంశాలపై ఈ సమావేశంలో చర్చిస్తారు. అనంతరం తైవాన్, ఇటలీ, స్వీడన్, నెదర్లాండ్స్ ప్రతినిధులతో పాటు ఎస్పీపీ పంప్స్, రెన్యూపవన్, మురుగప్ప గ్రూపు, హీరో ఫ్యూచర్ వంటి ప్రముఖ సంస్థల ప్రతినిధులతో ముఖ్యమంత్రి భేటీ అవుతారు.
శుక్రవారం (14వ తేదీ) అధికారికంగా సదస్సు ప్రారంభమైన తర్వాత ‘టెక్నాలజీ, ట్రస్ట్ అండ్ ట్రేడ్’ అనే అంశంపై చర్చాగోష్ఠి జరగనుంది. మధ్యాహ్నం 'ఏఐ ఫర్ వికసిత్ భారత్' సదస్సులో సీఎం చంద్రబాబు ప్రసంగించి, రాష్ట్ర ఆర్థికాభివృద్ధికి ఏఐ ఎలా దోహదపడుతుందో వివరిస్తారు. ఈ రోజే విజయవాడ నుంచి సింగపూర్కు నేరుగా విమాన సర్వీసులు నడిపేందుకు సింగపూర్ ప్రతినిధులతో ఒప్పందం కుదుర్చుకోనున్నారు. సాయంత్రం విశాఖలో లులూ గ్రూప్ నిర్మించనున్న నూతన మాల్కు చంద్రబాబు శంకుస్థాపన చేస్తారు.
కీలక ప్రాజెక్టులకు శంకుస్థాపన
సదస్సు చివరి రోజైన శనివారం (15వ తేదీ) కూడా పలు కీలక కార్యక్రమాలు జరగనున్నాయి. రేమండ్, శ్రీసిటీ, ఇండోసోల్ ప్రాజెక్టులకు ముఖ్యమంత్రి శంకుస్థాపన చేస్తారు. ముఖ్యంగా, టెక్ దిగ్గజం గూగుల్ ఏర్పాటు చేయనున్న డేటా సెంటర్కు కూడా ఇదే రోజు శంకుస్థాపన చేయడం విశేషం. అనంతరం బహ్రెయిన్, న్యూజిలాండ్, కెనడా, జపాన్ దేశాల ప్రతినిధులతో భేటీ అవుతారు. వరల్డ్ ఎకనమిక్ ఫోరానికి చెందిన ‘సెంటర్ ఫర్ ఫ్రాంటియర్ టెక్నాలజీస్’ను కూడా ప్రారంభిస్తారు. సాయంత్రం పలు సంస్థలతో అవగాహన ఒప్పందాల (ఎంఓయూ) కార్యక్రమం ఉంటుంది. సదస్సు ముగింపులో మీడియా సమావేశం నిర్వహించి, సాధించిన ఫలితాలను సీఎం వివరిస్తారు.
ఈ సదస్సును విజయవంతం చేసేందుకు ముఖ్యమంత్రి చంద్రబాబు ఇప్పటికే సింగపూర్, యూఏఈ, యూకే దేశాల్లో పర్యటించి పారిశ్రామికవేత్తలను ఆహ్వానించారు. మంత్రి నారా లోకేశ్తో పాటు ఇతర మంత్రులు కూడా దేశ, విదేశాల్లో పలు సంస్థలతో చర్చలు జరిపారు. ఈ భాగస్వామ్య సదస్సు ద్వారా రాష్ట్రంలో పెద్ద ఎత్తున పరిశ్రమలు ఏర్పాటవుతాయని, తద్వారా యువతకు ఉపాధి అవకాశాలు మెరుగవుతాయని ప్రభుత్వం ధీమా వ్యక్తం చేస్తోంది.