Donald Trump: రష్యా, చైనాలను ఎదుర్కోవడానికి సైన్యాన్ని సన్నద్ధం చేయండి: పెంటగాన్ కు ట్రంప్ ఆదేశాలు
అంతర్జాతీయ రాజకీయాల్లో కీలక పరిణామం చోటుచేసుకుంది. తమ ప్రధాన ప్రత్యర్థులైన రష్యా, చైనాలను నిలువరించేందుకు సైనిక సన్నద్ధతను గణనీయంగా పెంచాలని అమెరికా అధ్యక్షుడు డొనాల్డ్ ట్రంప్ రక్షణ శాఖకు (పెంటగాన్) స్పష్టమైన ఆదేశాలు జారీ చేశారు. చైనా అధ్యక్షుడు జిన్పింగ్, రష్యా అధ్యక్షుడు వ్లాదిమిర్ పుతిన్, ఉత్తర కొరియా అధినేత కిమ్ జోంగ్ ఉన్లు బీజింగ్లో సమావేశమైన నేపథ్యంలో ట్రంప్ ఈ నిర్ణయం తీసుకోవడం ప్రాధాన్యత సంతరించుకుంది. అమెరికాకు వ్యతిరేకంగా ఈ మూడు దేశాల మధ్య బంధం బలపడుతోందనడానికి ఈ భేటీ ఒక సంకేతమని వాషింగ్టన్ భావిస్తోంది.
ఈ ఆదేశాలను పెంటగాన్ చీఫ్ పీట్ హెగ్సెత్ ధృవీకరించారు. అయితే, ఈ చర్యలు యుద్ధాన్ని కోరుకోవడం కోసం కాదని, కేవలం "యోధుల స్ఫూర్తిని పునరుద్ధరించడం" కోసమేనని ఆయన ఫాక్స్ న్యూస్కు తెలిపారు. ఆయన మాట్లాడుతూ, "గత ప్రభుత్వ బలహీన విధానాల వల్లే దురదృష్టవశాత్తు రష్యా, చైనాలు దగ్గరయ్యాయి. అమెరికా నాయకత్వ లోపానికి ఇది నిదర్శనం. అందుకే మా సైన్యాన్ని పునర్నిర్మించి, నిరోధక సామర్థ్యాన్ని తిరిగి వ్యవస్థీకరించడానికి సిద్ధంగా ఉండాలని అధ్యక్షుడు ట్రంప్ ఆదేశించారు" అని వివరించారు.
"మేము సంఘర్షణను కోరుకోవడం లేదు. యుద్ధాన్ని నివారించడానికి సిద్ధంగా ఉన్నాం అని చైనా, రష్యా సహా ఇతర దేశాలకు మేం స్పష్టం చేశాం" అని హెగ్సెత్ అన్నారు. మరోవైపు, రెండో ప్రపంచ యుద్ధం ముగిసి 80 ఏళ్లు పూర్తయిన సందర్భంగా బీజింగ్లో భారీ సైనిక పరేడ్ను నిర్వహించారు. ఈ పరేడ్ ను జిన్పింగ్ సహా పుతిన్, కిమ్ వీక్షించారు. ఈ నేపథ్యంలో చైనా, రష్యా, ఉత్తర కొరియా దేశాలు ఏకమై అమెరికాకు వ్యతిరేకంగా పనిచేస్తున్నాయని ట్రంప్ నేరుగా ఆరోపించారు. ట్రంప్ తాజా ఆదేశాలతో అమెరికా సైన్యంలో భారీ మార్పులు చోటుచేసుకునే అవకాశం ఉందని... భవిష్యత్తులో మాస్కో, బీజింగ్ల నుంచి ఎదురయ్యే సవాళ్లను ఎదుర్కొనేందుకు ప్రత్యేక వ్యూహాలు అమలు చేయనున్నారని తెలుస్తోంది.
ఈ ఆదేశాలను పెంటగాన్ చీఫ్ పీట్ హెగ్సెత్ ధృవీకరించారు. అయితే, ఈ చర్యలు యుద్ధాన్ని కోరుకోవడం కోసం కాదని, కేవలం "యోధుల స్ఫూర్తిని పునరుద్ధరించడం" కోసమేనని ఆయన ఫాక్స్ న్యూస్కు తెలిపారు. ఆయన మాట్లాడుతూ, "గత ప్రభుత్వ బలహీన విధానాల వల్లే దురదృష్టవశాత్తు రష్యా, చైనాలు దగ్గరయ్యాయి. అమెరికా నాయకత్వ లోపానికి ఇది నిదర్శనం. అందుకే మా సైన్యాన్ని పునర్నిర్మించి, నిరోధక సామర్థ్యాన్ని తిరిగి వ్యవస్థీకరించడానికి సిద్ధంగా ఉండాలని అధ్యక్షుడు ట్రంప్ ఆదేశించారు" అని వివరించారు.
"మేము సంఘర్షణను కోరుకోవడం లేదు. యుద్ధాన్ని నివారించడానికి సిద్ధంగా ఉన్నాం అని చైనా, రష్యా సహా ఇతర దేశాలకు మేం స్పష్టం చేశాం" అని హెగ్సెత్ అన్నారు. మరోవైపు, రెండో ప్రపంచ యుద్ధం ముగిసి 80 ఏళ్లు పూర్తయిన సందర్భంగా బీజింగ్లో భారీ సైనిక పరేడ్ను నిర్వహించారు. ఈ పరేడ్ ను జిన్పింగ్ సహా పుతిన్, కిమ్ వీక్షించారు. ఈ నేపథ్యంలో చైనా, రష్యా, ఉత్తర కొరియా దేశాలు ఏకమై అమెరికాకు వ్యతిరేకంగా పనిచేస్తున్నాయని ట్రంప్ నేరుగా ఆరోపించారు. ట్రంప్ తాజా ఆదేశాలతో అమెరికా సైన్యంలో భారీ మార్పులు చోటుచేసుకునే అవకాశం ఉందని... భవిష్యత్తులో మాస్కో, బీజింగ్ల నుంచి ఎదురయ్యే సవాళ్లను ఎదుర్కొనేందుకు ప్రత్యేక వ్యూహాలు అమలు చేయనున్నారని తెలుస్తోంది.
