Ahmed al-Rahawi: హౌతీల ప్రధానమంత్రిని హతమార్చిన ఇజ్రాయెల్
- యెమెన్ లో హూతీ తిరుగుబాటుదారుల స్థావరాలే లక్ష్యంగా వైమానిక దాడులు చేశామన్న ఇజ్రాయెల్ సైన్యం
- ప్రధాని అహ్మద్ అల్ రహవీతో పాటు పలువురు మంత్రులు హతమయ్యారన్న హౌతీలు
- మంత్రులతో ప్రధాని సమావేశం నిర్వహిస్తున్న సమయంలో ఇజ్రాయెల్ వైమానిక దాడి జరిగిన వైనం
యెమెన్లోని హూతీ తిరుగుబాటుదారుల స్థావరాలపై ఇజ్రాయెల్ వైమానిక దాడులు నిర్వహించగా, ఈ దాడిలో హౌతీల ముఖ్య నేత అహ్మద్ అల్-రహావీ మృతి చెందారు. హౌతీల నియంత్రిత ప్రాంతానికి ప్రధానిగా వ్యవహరిస్తున్న అహ్మద్ అల్-రహావీతో పాటు పలువురు మంత్రులు కూడా ఈ దాడుల్లో ప్రాణాలు కోల్పోయారని హౌతీలు ధ్రువీకరించారు.
ఇజ్రాయెల్ వైమానిక దాడులు ఈ వారం మొదట్లో రాజధాని సనా ప్రాంతంలో జరిగాయి. ఈ దాడుల్లో దాదాపు 10 మంది మరణించారని, 100 మందికి పైగా గాయపడ్డారని హౌతీలు వెల్లడించారు. యెమెన్ రాజధాని సనాలో హూతీ పాలకుల సైనిక స్థావరమే లక్ష్యంగా దాడులు చేసినట్లు ఇజ్రాయెల్ సైన్యం ప్రకటించింది. ఈ దాడుల్లో కీలక వ్యక్తులను హతం చేసినట్లు తెలిపింది. ఈ దాడుల్లో ప్రధాని అహ్మద్ అల్ రహావీతో పాటు పలువురు మంత్రులు మృతి చెందినట్లు ఒక ప్రకటనలో తెలిపారు. హౌతీ ప్రభుత్వ సభ్యులు, మంత్రులతో ప్రధాని సమావేశం జరుపుకుంటున్న సమయంలో ఈ దాడులు జరిగాయని వారు వెల్లడించారు.
2024 ఆగస్టు నుంచి రహవీ హౌతీల నియంత్రిత ప్రాంతానికి ప్రధానిగా వ్యవహరిస్తున్నారు. ఇరాన్ మద్దతుతో యెమెన్లో కీలక పాత్ర పోషిస్తున్న హౌతీలు గాజా యుద్ధం నేపథ్యంలో పాలస్తీనీయన్లకు మద్దతుగా ఇజ్రాయెల్పై దాడులకు పాల్పడుతున్న విషయం తెలిసిందే. ఈ తరుణంలో రహావీ హతమవ్వడం హౌతీ ఉద్యమానికి మరో పెద్ద ఎదురుదెబ్బగా భావించవచ్చు.
ఇజ్రాయెల్ వైమానిక దాడులు ఈ వారం మొదట్లో రాజధాని సనా ప్రాంతంలో జరిగాయి. ఈ దాడుల్లో దాదాపు 10 మంది మరణించారని, 100 మందికి పైగా గాయపడ్డారని హౌతీలు వెల్లడించారు. యెమెన్ రాజధాని సనాలో హూతీ పాలకుల సైనిక స్థావరమే లక్ష్యంగా దాడులు చేసినట్లు ఇజ్రాయెల్ సైన్యం ప్రకటించింది. ఈ దాడుల్లో కీలక వ్యక్తులను హతం చేసినట్లు తెలిపింది. ఈ దాడుల్లో ప్రధాని అహ్మద్ అల్ రహావీతో పాటు పలువురు మంత్రులు మృతి చెందినట్లు ఒక ప్రకటనలో తెలిపారు. హౌతీ ప్రభుత్వ సభ్యులు, మంత్రులతో ప్రధాని సమావేశం జరుపుకుంటున్న సమయంలో ఈ దాడులు జరిగాయని వారు వెల్లడించారు.
2024 ఆగస్టు నుంచి రహవీ హౌతీల నియంత్రిత ప్రాంతానికి ప్రధానిగా వ్యవహరిస్తున్నారు. ఇరాన్ మద్దతుతో యెమెన్లో కీలక పాత్ర పోషిస్తున్న హౌతీలు గాజా యుద్ధం నేపథ్యంలో పాలస్తీనీయన్లకు మద్దతుగా ఇజ్రాయెల్పై దాడులకు పాల్పడుతున్న విషయం తెలిసిందే. ఈ తరుణంలో రహావీ హతమవ్వడం హౌతీ ఉద్యమానికి మరో పెద్ద ఎదురుదెబ్బగా భావించవచ్చు.
