ఆర్సీబీ, కేకేఆర్ మ్యాచ్ వర్షంతో రద్దు... టికెట్ల డబ్బు వాపసు
- నిన్న వర్షం వల్ల తుడిచిపెట్టుకుపోయిన ఆర్సీబీ, కేకేఆర్ మ్యాచ్
- డిజిటల్ టికెట్లకు 10 రోజుల్లో ఖాతాల్లోకి డబ్బులు
- ఫిజికల్ టికెట్లకు కౌంటర్లలో అసలు టికెట్ చూపి రీఫండ్
వాపసు ప్రక్రియ ఇలా...
డిజిటల్ విధానంలో, అంటే ఆన్లైన్లో టికెట్లు కొనుగోలు చేసిన వారికి, వారు టికెట్ బుక్ చేయడానికి ఉపయోగించిన అసలు బ్యాంక్ ఖాతాలోకి 10 పనిదినాల్లో డబ్బులు జమ అవుతాయని ఆర్సీబీ తమ ప్రకటనలో పేర్కొంది. ఒకవేళ మే 31వ తేదీలోగా వాపసు అందని పక్షంలో, టికెట్ బుకింగ్ వివరాలతో [email protected] ఈమెయిల్ చిరునామాకు ఫిర్యాదు పంపాలని సూచించింది.
ఇక ఫిజికల్ టికెట్లు, అంటే కౌంటర్ల ద్వారా కొనుగోలు చేసినవారు, తాము టికెట్లు ఎక్కడైతే కొన్నారో అక్కడి అధికారిక కేంద్రంలో తమ అసలు టికెట్ను సమర్పించి డబ్బులు వాపసు పొందవచ్చని తెలిపింది. అయితే, కాంప్లిమెంటరీగా, అంటే ఉచితంగా పొందిన టికెట్లకు ఈ వాపసు వర్తించదని యాజమాన్యం స్పష్టం చేసింది. వాపసు ప్రక్రియకు సంబంధించి మరిన్ని వివరాలు కావాల్సిన వారు [email protected] కు ఈమెయిల్ ద్వారా సంప్రదించవచ్చు.
