KKR: వాళ్లిద్ద‌రూ మంచి మిత్రులు.. కుల్దీప్, రింకూల ఇంట్రెస్టింగ్ వీడియో షేర్ చేసిన కేకేఆర్
- నిన్న రాత్రి డీసీ, కేకేఆర్ మ్యాచ్
- మ్యాచ్ అనంత‌రం రింకూ చెంపపై కుల్దీప్ కొట్టిన వీడియో వైరల్
- కుల్దీప్ బౌలింగ్‌లో రింకూ బౌండ‌రీలు బాద‌డ‌మే దీనికి కార‌ణ‌మంటూ ప్ర‌చారం
- ఈ ప్ర‌చారాన్ని ఖండించిన కేకేఆర్
- యూపీకి చెందిన వారిద్ద‌రూ మంచి మిత్రులంటూ వీడియో షేర్
మంగ‌ళ‌వారం రాత్రి ఢిల్లీ క్యాపిట‌ల్స్ (డీసీ), కోల్‌క‌తా నైట్ రైడ‌ర్స్ (కేకేఆర్) మ‌ధ్య జ‌రిగిన మ్యాచ్ అనంత‌రం రింకూ సింగ్‌ను కుల్దీప్ యాద‌వ్ చెంపపై కొట్టిన‌ట్లు ఓ వీడియో సోష‌ల్ మీడియాలో వైరల్ అయిన విష‌యం తెలిసిందే. డీసీ స్పిన్న‌ర్ కుల్దీప్ బౌలింగ్‌లో రింకూ బౌండ‌రీలు బాద‌డ‌మే దీనికి కార‌ణ‌మంటూ ప్ర‌చారం కూడా జ‌రిగింది.
ఈ ప్ర‌చారాన్ని కేకేఆర్ ఖండించింది. ఉత్త‌ర‌ప్ర‌దేశ్‌కి చెందిన వారిద్ద‌రూ మంచి మిత్రులు అని తెలిపింది. నిన్న‌టి మ్యాచ్ అనంత‌రం స‌ర‌దాగా ఫొటోకు పోజులిస్తున్న వీడియోను ఇన్‌స్టాగ్రామ్ లో షేర్ చేసింది. అటు డీసీ కూడా ఈ వీడియోను పోస్ట్ చేసి ఓన్లీ ప్యార్ అని క్యాప్ష‌న్ ఇచ్చింది. దీంతో రింకూను కుల్దీప్ చెంప దెబ్బ కొట్ట‌డం అనేది సీరియ‌స్ కాద‌ని, స‌ర‌దాగా జ‌రిగిన సంఘ‌ట‌న‌గా తేలిపోయింది.
