స్టార్క్ దెబ్బకు చిగురుటాకులా వణికిన హైదరాబాద్
మిచెల్ స్టార్క్ పదునైన బంతులకు వికెట్లు టపటపా రాల్చుకున్న హైదరాబాద్ పీకల్లోతు కష్టాల్లో పడింది. 20 పరుగుల వద్ద ఇషాన్ కిషన్(2), 25 పరుగులు వద్ద నితీశ్ కుమార్ రెడ్డి(0), 37 పరుగుల వద్ద ట్రావిస్ హెడ్ (22) పెవిలియన్ చేరారు. హైదరాబాద్ కోల్పోయిన నాలుగు వికెట్లు స్కార్క్ బౌలింగ్లోనే కావడం గమనార్హం. ఒకటి రనౌట్ కాగా, మిగతా మూడు స్టార్క్ ఖాతాలో చేరాయి.
కష్టాల్లో పడిన జట్టును అనికేత్ వర్మ, క్లాసెన్ ఆదుకునే ప్రయత్నం చేస్తున్నారు. దూకుడుగా ఆడుతూ స్కోరు పెంచే ప్రయత్నం చేస్తున్నారు. ప్రస్తుతం 9 ఓవర్లు ముగిశాయి. హైదరాబాద్ నాలుగు వికెట్ల నష్టానికి 98 పరుగులు చేసింది. అనికేత్ 40, క్లాసెన్ 24 పరుగులతో క్రీజులో ఉన్నారు.
