నేటి నుంచి రాయలసీమలో బాలయ్య ‘స్వర్ణాంధ్ర సాకార యాత్ర’
- రాయలసీమలో ఎన్డీయే అభ్యర్థుల కోసం ఎమ్మెల్యే బాలకృష్ణ ప్రచారం
- ‘బాలయ్య అన్స్టాపబుల్’ పేరుతో ప్రత్యేక బస్సు సిద్ధం
- ఏప్రిల్ 19న నామినేషన్ వేయనున్న బాలయ్య
- ఏప్రిల్ 25 నుంచి ఉత్తరాంధ్రలో ప్రచారం
హిందూపురం ఎమ్మెల్యే నందమూరి బాలకృష్ణ శనివారం నుంచి ఎన్డీయే అభ్యర్థుల కోసం రాయలసీమలో విస్తృత ప్రచారం చేయనున్నారు. ‘స్వర్ణాంధ్ర సాకార యాత్ర’ పేరిట ఆయన ఈ యాత్ర నిర్వహించనున్నారు. ఇందుకోసం ‘బాలయ్య అన్స్టాపబుల్’ పేరుతో ఓ ప్రత్యేక బస్సును కూడా సిద్ధం చేశారు. ఇక ఏప్రిల్ 19న బాలయ్య హిందూపురం అసెంబ్లీ స్థానం నుంచి టీడీపీ అభ్యర్థిగా నామినేషన్ దాఖలు చేస్తారు. ఏప్రిల్ 25 నుంచి ఉత్తరాంధ్రలో ప్రచారం నిర్వహిస్తారు.
