హృతిక్ రోషన్ పై గతంలో చేసిన వ్యాఖ్యల వీడియో వైరల్... వివరణ ఇచ్చిన రాజమౌళి
- గతంలో బిల్లా ఆడియో ఫంక్షన్ లో రాజమౌళి వ్యాఖ్యలు
- ప్రభాస్ ముందు హృతిక్ రోషన్ నథింగ్ అంటూ కామెంట్
- 15 ఏళ్ల నాటి వ్యాఖ్యల వీడియో ఇప్పుడు వైరల్
- తాను హృతిక్ ను కించపర్చాలని ఆ మాటలు అనలేదన్న రాజమౌళి
గతంలో ప్రభాస్ నటించిన బిల్లా చిత్రం ఆడియో ఫంక్షన్ లో దర్శకుడు రాజమౌళి చేసిన వ్యాఖ్యల వీడియో ఇప్పుడు వైరల్ అవుతోంది. ధూమ్-2లో హృతిక్ రోషన్ ను చూశాను... కానీ బిల్లా ట్రైలర్ చూశాక ప్రభాస్ ముందు హృతిక్ రోషన్ నథింగ్ అంటూ రాజమౌళి ఆ వీడియోలో వ్యాఖ్యానించారు.
ఆ వీడియో ఇప్పుడు మళ్లీ తెరపైకి రావడంతో రాజమౌళి వివరణ ఇచ్చారు. ఆర్ఆర్ఆర్ ఆస్కార్ రేసులో ఉరకలేస్తున్న నేపథ్యంలో, అమెరికాలో ఉన్న రాజమౌళి ఓ మీడియా సంస్థతో మాట్లాడుతూ హృతిక్ రోషన్ పై వ్యాఖ్యల విషయాన్ని ప్రస్తావించారు.
ఆ వ్యాఖ్యలు తాను 15 ఏళ్ల కిందట చేశానని, ఆ వీడియో ఇప్పుడెందుకు వైరల్ అవుతోందో తెలియడంలేదని అన్నారు. అయితే ఆ ఫంక్షన్ లో తాను మాట్లాడిన మాటలు సరికాదని అంగీకరిస్తున్నానని వినమ్రంగా తెలిపారు. హృతిక్ రోషన్ ను అవమానించాలన్న ఉద్దేశంతో తాను ఆ మాటలు అనలేదని, అతడంటే తనకు చాలా గౌరవం అని రాజమౌళి స్పష్టం చేశారు.
రాజమౌళి నిజాయతీగా చెప్పిన ఈ మాటలు నెటిజన్లను ఆకట్టుకుంటున్నాయి. రాజమౌళి మంచి మనసుకు ఈ వ్యాఖ్యలే నిదర్శనం అని కొనియాడుతున్నారు. తప్పును అంగీకరించడం ద్వారా రాజమౌళి తన గొప్పదనాన్ని ఘనంగా చాటుకున్నారని ప్రశంసల వర్షం కురిపిస్తున్నారు.
ఆ వీడియో ఇప్పుడు మళ్లీ తెరపైకి రావడంతో రాజమౌళి వివరణ ఇచ్చారు. ఆర్ఆర్ఆర్ ఆస్కార్ రేసులో ఉరకలేస్తున్న నేపథ్యంలో, అమెరికాలో ఉన్న రాజమౌళి ఓ మీడియా సంస్థతో మాట్లాడుతూ హృతిక్ రోషన్ పై వ్యాఖ్యల విషయాన్ని ప్రస్తావించారు.
ఆ వ్యాఖ్యలు తాను 15 ఏళ్ల కిందట చేశానని, ఆ వీడియో ఇప్పుడెందుకు వైరల్ అవుతోందో తెలియడంలేదని అన్నారు. అయితే ఆ ఫంక్షన్ లో తాను మాట్లాడిన మాటలు సరికాదని అంగీకరిస్తున్నానని వినమ్రంగా తెలిపారు. హృతిక్ రోషన్ ను అవమానించాలన్న ఉద్దేశంతో తాను ఆ మాటలు అనలేదని, అతడంటే తనకు చాలా గౌరవం అని రాజమౌళి స్పష్టం చేశారు.
రాజమౌళి నిజాయతీగా చెప్పిన ఈ మాటలు నెటిజన్లను ఆకట్టుకుంటున్నాయి. రాజమౌళి మంచి మనసుకు ఈ వ్యాఖ్యలే నిదర్శనం అని కొనియాడుతున్నారు. తప్పును అంగీకరించడం ద్వారా రాజమౌళి తన గొప్పదనాన్ని ఘనంగా చాటుకున్నారని ప్రశంసల వర్షం కురిపిస్తున్నారు.
