Viral video: ఈ ఏనుగు డ్యాన్స్ తో ఇరగదీసిందిగా..!

ఏనుగు డ్యాన్స్ చేయడం అంటే శరీరాన్ని అటూ, ఇటూ కదిలిస్తుందిలే.. అంతకుమించి స్టెప్పులు వేయడం దానికి ఎలా సాధ్యం? అని అనుకుంటే తప్పులో కాలేసినట్టే అవుతుంది. ఇక్కడి వీడియోను ఓ సారి చూస్తే అసలు విషయం తెలుస్తుంది. ఏనుగులు సైతం డ్యాన్స్ చేయగలవని ఒప్పుకుని తీరాల్సిందే. వీడియో ఏ ప్రాంతానికి సంబంధించినదో తెలియదు కానీ, అందులో ఒక ఏనుగు చక్కని స్టెప్పులతో అదరగొట్టింది. ఈ వీడియోకు లక్షలాది లైక్స్ వచ్చాయి. 

డ్యాన్స్ చూసిన ప్రతి ఒక్కరూ ముగ్ధులవుతారు. కానీ, జంతు ప్రేమికులకు మాత్రం ఇది ఆగ్రహాన్ని తెప్పిస్తోంది. శిక్షకులు కొన్ని సందర్భాల్లో ఈ ఏనుగుల పట్ల క్రూరంగా వ్యవహరిస్తారని, ఇలాంటి వీడియోలకు మద్దతు ఇవ్వొద్దని కోరుతున్నారు. ‘‘జంతువులు ఉన్నది డ్యాన్స్ చేసి సంతోష పెట్టడానికి, మనుషుల కడుపు నింపడానికి కాదు. వాటిని సహజంగా బతకనివ్వండి. జంతువులను హింసించడాన్ని ఆపండి’’అని ఓ యూజర్ పేర్కొన్నాడు. (ఇన్ స్టా గ్రామ్ వీడియో కోసం)