‘నాటో’తో అమీతుమీ.. రష్యా–చైనా కొత్త కూటమి
- ప్రకటించిన ఇరు దేశాధినేతలు
- అన్ని కూటముల కన్నా తమది దృఢమైన కూటమని వెల్లడి
- అమెరికాకు ప్రత్యామ్నాయంగా సరికొత్త అంతర్జాతీయ శక్తి నిర్మాణం
- ‘వన్ చైనా’కు మద్దతిస్తున్నామన్న రష్యా
అమెరికా నేతృత్వంలోని నాటో (నార్త్ అట్లాంటిక్ ట్రెటీ ఆర్గనైజేషన్)కు వ్యతిరేకంగా రష్యా–చైనా కలిసి ఓ కొత్త కూటమిని ఏర్పాటు చేయబోతున్నాయి. రష్యా–ఉక్రెయిన్ మధ్య ప్రస్తుతం ఘర్షణాత్మక వాతావరణం నెలకొన్న సంగతి తెలిసిందే. ఎప్పుడెప్పుడు యుద్ధానికి పోదామా? అని రష్యా ఇప్పటికే కాలు దువ్వుతోంది. నాటోలో ఉక్రెయిన్ ను చేర్చుకోవాలని అమెరికా ప్రయత్నించడం, రష్యా, ఉక్రెయిన్ మధ్య యుద్ధ పరిస్థితులకు దారి తీయడంతో నాటోకు వ్యతిరేకంగా రష్యా, చైనాలు జట్టుకట్టాయి. ఉక్రెయిన్ పేరెత్తకుండానే నాటో కూటమిపై స్పందిస్తూ ఉక్రెయిన్ మీద తమ అభిప్రాయమేంటో చెప్పకనే చెప్పాయి.
నిన్న బీజింగ్ లో నిర్వహించిన శీతాకాల ఒలింపిక్స్ ప్రారంభ వేడుకలకు పుతిన్ హాజరయ్యారు. చైనా అధ్యక్షుడితో కలిసి విందు ఆరగించారు. పలు వ్యూహాత్మక విషయాల్లో భాగస్వామ్యంపై చర్చించారు. వాటిపై ఒప్పందం చేసుకున్నారు. ఈ సందర్భంగానే రెండు దేశాల అధినేతలు సంయుక్త ప్రకటన చేశారు. ప్రచ్ఛన్న యుద్ధం నాటి సిద్ధాంతాలను తీసుకొచ్చేందుకు నాటో ప్రయత్నాలు చేస్తోందని ఆరోపించారు.
రష్యా, చైనా మధ్య స్నేహానికి అవధుల్లేవని అన్నారు. తమ మధ్య సహకారం విషయంలో ‘నిషేధిత’ అన్న పదానికి చోటు లేదని, అన్ని రంగాల్లోనూ పరస్పర సహకారం కోసం కట్టుబడి ఉంటామని స్పష్టం చేశారు. ప్రచ్ఛన్న యుద్ధం సమయంలో ఏర్పాటు చేసిన అన్ని రాజకీయ, సైనిక కూటముల కన్నా తమ బంధం దృఢమైనదని, గొప్పదని తేల్చి చెప్పారు. అంతరిక్షం, పర్యావరణ మార్పులు, కృత్రిమ మేధ, ఇంటర్నెట్ పై నియంత్రణ వంటి విషయాల్లో ఒప్పందాలు చేసుకున్నట్టు వివరించారు. అమెరికాకు వ్యతిరేకంగా సరికొత్త మానవ హక్కులతో కూడిన ప్రజాస్వామిక అంతర్జాతీయ శక్తిని నిర్మిస్తామన్నారు.
అమెరికా, బ్రిటన్, ఆస్ట్రేలియా కలిసి ఏర్పాటు చేసిన భద్రతా కూటమి ‘ఆకస్’పైనా మండిపడ్డారు. ఆసియా–పసిఫిక్ ప్రాంతంలో భద్రతను పటిష్ఠం చేయడం కోసం ఆస్ట్రేలియా అభివృద్ధి చేస్తున్న అణ్వస్త్ర సహిత జలాంతర్గాములను ‘ఆకస్’ పర్యవేక్షిస్తుంది. ఈ నేపథ్యంలోనే రష్యా, చైనాలు ఆకస్ కూటమిపై ఆందోళన వ్యక్తం చేశాయి. ఇక, తైవాన్ ను ఆక్రమించుకోవాలని ఉబలాటపడుతున్న చైనాకు రష్యా తన మద్దతును ప్రకటించింది. చైనా సిద్ధాంతమైన ‘వన్ చైనా’కు మద్దతిస్తున్నామని తెలిపింది.
నిన్న బీజింగ్ లో నిర్వహించిన శీతాకాల ఒలింపిక్స్ ప్రారంభ వేడుకలకు పుతిన్ హాజరయ్యారు. చైనా అధ్యక్షుడితో కలిసి విందు ఆరగించారు. పలు వ్యూహాత్మక విషయాల్లో భాగస్వామ్యంపై చర్చించారు. వాటిపై ఒప్పందం చేసుకున్నారు. ఈ సందర్భంగానే రెండు దేశాల అధినేతలు సంయుక్త ప్రకటన చేశారు. ప్రచ్ఛన్న యుద్ధం నాటి సిద్ధాంతాలను తీసుకొచ్చేందుకు నాటో ప్రయత్నాలు చేస్తోందని ఆరోపించారు.
రష్యా, చైనా మధ్య స్నేహానికి అవధుల్లేవని అన్నారు. తమ మధ్య సహకారం విషయంలో ‘నిషేధిత’ అన్న పదానికి చోటు లేదని, అన్ని రంగాల్లోనూ పరస్పర సహకారం కోసం కట్టుబడి ఉంటామని స్పష్టం చేశారు. ప్రచ్ఛన్న యుద్ధం సమయంలో ఏర్పాటు చేసిన అన్ని రాజకీయ, సైనిక కూటముల కన్నా తమ బంధం దృఢమైనదని, గొప్పదని తేల్చి చెప్పారు. అంతరిక్షం, పర్యావరణ మార్పులు, కృత్రిమ మేధ, ఇంటర్నెట్ పై నియంత్రణ వంటి విషయాల్లో ఒప్పందాలు చేసుకున్నట్టు వివరించారు. అమెరికాకు వ్యతిరేకంగా సరికొత్త మానవ హక్కులతో కూడిన ప్రజాస్వామిక అంతర్జాతీయ శక్తిని నిర్మిస్తామన్నారు.
అమెరికా, బ్రిటన్, ఆస్ట్రేలియా కలిసి ఏర్పాటు చేసిన భద్రతా కూటమి ‘ఆకస్’పైనా మండిపడ్డారు. ఆసియా–పసిఫిక్ ప్రాంతంలో భద్రతను పటిష్ఠం చేయడం కోసం ఆస్ట్రేలియా అభివృద్ధి చేస్తున్న అణ్వస్త్ర సహిత జలాంతర్గాములను ‘ఆకస్’ పర్యవేక్షిస్తుంది. ఈ నేపథ్యంలోనే రష్యా, చైనాలు ఆకస్ కూటమిపై ఆందోళన వ్యక్తం చేశాయి. ఇక, తైవాన్ ను ఆక్రమించుకోవాలని ఉబలాటపడుతున్న చైనాకు రష్యా తన మద్దతును ప్రకటించింది. చైనా సిద్ధాంతమైన ‘వన్ చైనా’కు మద్దతిస్తున్నామని తెలిపింది.
