స్టార్ హీరోతో 'జాంబిరెడ్డి' దర్శకుడి సినిమా!

మొదటి నుంచి కూడా ప్రశాంత్ వర్మ వైవిధ్యభరితమైన కథలను తెరకెక్కిస్తూ వస్తున్నాడు. 'అ' సినిమాతో దర్శకుడిగా తన సత్తా చాటుకున్న ప్రశాంత్ వర్మ, ఆ తరువాత భారీ సినిమాలను కూడా హ్యాండిల్ చేయగలనని 'కల్కి' సినిమాతో నిరూపించాడు. ఇక 'జాంబి రెడ్డి' సినిమాతో కొత్త జోనర్ ను కూడా టచ్ చేశాడు. ఈ సినిమాతో విజయాన్ని అందుకోవడంతో, సీక్వెల్ చేయాలనే ఆలోచనలో కూడా ఉన్నాడు. అందుకు సంబంధించిన ప్రయత్నాలను మొదలు పెట్టేశాడని కూడా చెప్పుకుంటున్నారు.

ఇక ఒక స్టార్ హీరో తో మరో ప్రాజెక్టును సెట్ చేయనున్నాడనే టాక్ బలంగా వినిపిస్తోంది. ఆ స్టార్ హీరోకి కథ వినిపించడం, ఆయన గ్రీన్ సిగ్నల్ ఇవ్వడం జరిగిపోయాయని అంటున్నారు. రేపు ప్రశాంత్ వర్మ పుట్టినరోజు .. ఈ సందర్భంగా ఆయన తన కొత్త ప్రాజెక్టుకు సంబంధించిన టైటిల్ పోస్టర్ ను రిలీజ్ చేయనున్నాడని చెబుతున్నారు. స్టార్ హీరో ఎవరనే విషయంపై అందరిలో ఆసక్తి నెలకొంది. రేపు రిలీజ్ కానున్న పోస్టర్ చాలా వివరాలు అందించవచ్చని అనుకుంటున్నారు.