స్పీడు మీదున్న రాజశేఖర్.. మరో కొత్త సినిమా ప్రకటన

ఆమధ్య కోవిడ్ బారిన పడి కోలుకున్న ప్రముఖ నటుడు రాజశేఖర్ ఇప్పుడు ఆర్టిస్టుగా మంచి జోరుమీదున్నారు. వరుస సినిమాలను లైన్లో పెడుతున్నారు. ఇప్పటికే తన 91వ చిత్రాన్ని ఆయన ప్రకటించారు. 'శేఖర్' పేరుతో రూపొందే ఆ చిత్రానికి సంబంధించిన ఫస్ట్ లుక్ ను కూడా విడుదల చేశారు. మలయాళంలో వచ్చిన హిట్ చిత్రం 'జోసెఫ్'కి రీమేక్ గా దానిని నిర్మిస్తున్నారు. దీనికి లలిత్ అనే కొత్త దర్శకుడు దర్శకత్వం వహిస్తున్నాడు.

ఈ క్రమంలో రాజశేఖర్ నటించే మరో చిత్రాన్ని ఈ రోజు అనౌన్స్ చేశారు. గతంలో 'గతం' అనే చిత్రానికి దర్శకత్వం వహించిన కిరణ్ కొండమడుగుల ఇప్పుడీ చిత్రానికి దర్శకత్వం వహిస్తాడు. శివాని, శివాత్మిక, సృజన్, భార్గవ, హర్ష కలసి రాజశేఖర్ నటిస్తున్న ఈ 92వ  చిత్రాన్ని నిర్మిస్తున్నారు. ఇందుకు సంబంధించిన ఫస్ట్ లుక్ పోస్టర్ ను కూడా ఈ రోజు రిలీజ్ చేశారు. ఈ పోస్టర్ ను బట్టి చూస్తే ఇన్వెస్టిగేటివ్, యాక్షన్ మూవీగా ఇది కనిపిస్తోంది.