హైటెన్షన్ విద్యుత్‌ తీగలపై నడుచుకుంటూ వెళ్లి.. కొమ్మను తొలగించిన ఉద్యోగి.. వీడియో ఇదిగో

ఈదురుగాలులకు ఓ చెట్టు కొమ్మ విరిగి విద్యుత్‌ తీగలపై పడడంతో ఓ విద్యుత్ ఉద్యోగి అత్యుత్సాహం ప్రదర్శించాడు. విద్యుత్‌ తీగలపై నడుచుకుంటూ వెళ్లి ఆ చెట్టు కొమ్మను తొలిగించాడు. ఇందుకు సంబంధించిన దృశ్యాలను కొందరు తమ స్మార్ట్‌ఫోన్‌లలో చిత్రీకరించారు.

ఈ ఘటన సంగారెడ్డి జిల్లా సదాశివపేట మండలం నిజాంపూర్‌లో చోటు చేసుకుంది. విద్యుత్‌ కాంట్రాక్ట్‌ ఉద్యోగి చేసిన ఈ సాహసం పట్ల అధికారులు మండిపడ్డారు. ఆ సమయంలో విద్యుత్‌ సరఫరా నిలిపివేయడంతో అతడికి ఏ ప్రమాదమూ జరగలేదు. అతడు విద్యుత్‌ తీగతలపై నడుచుకుంటూ వెళ్లిన దృశ్యాలు  ఒళ్లు గగుర్పొడిచేలా ఉన్నాయి.