Anushka Sharma: ‘కోహ్లీ.. ఏయ్ కోహ్లీ..’ అంటూ పిలుస్తున్న అనుష్క శర్మ.. వీడియో ఇదిగో!

లాక్ డౌన్ తో సామాన్యుడి నుంచి సెలెబ్రిటీల వరకు ఇంట్లో నుంచి బయటకు కదలలేని పరిస్థితి.  ప్రజల మధ్యనో తమ అభిమానుల మధ్యనో ఎక్కువ శాతం గడిపే వారికి అలా ఇంట్లోనే కూర్చోవాలంటే వాళ్ల పరిస్థితి ఎలా ఉంటుందో ప్రత్యేకంగా చెప్పక్కర్లేదు. ఇదే విషయాన్ని టీమిండియా కెప్టెన్ విరాట్ కోహ్లీ భార్య, నటి అనుష్క శర్మ పరోక్షంగా ప్రస్తావిస్తూ ఓ తమాషా వీడియోను పోస్ట్ చేసింది.

లాక్ డౌన్ తో క్రికెట్ సిరీస్ లన్నీ రద్దు కావడంతో.. గ్రౌండ్ నే కాదు లక్షలాది అభిమానులు చూపే ప్రేమను కోహ్లీ మిస్సయ్యాడని అనుష్క ఆ పోస్ట్ లో పేర్కొంది. అభిమానులు చూపే ఆ అనుభవాన్ని తాను ఇస్తానంటూ ఓ ఫన్నీ వీడియోను పోస్ట్ చేసింది. ఓ అభిమానిలా అనుష్క అరుస్తూ.. ‘కోహ్లీ.. ఏయ్ కోహ్లీ.. కోహ్లీ.. చౌకా మార్నా.. చౌకా మార్’ అనడం ఆ వీడియోలో ఉంది. అనుష్క మాటలకు స్పందనగా అక్కడే ఉన్న కోహ్లీ ఓ చూపు చూస్తూ.. తల అడ్డంగా ఊపుతూ ‘నో’ చెప్పడం కనపడుతుంది.