'పుష్ప' కోసం కైరా అద్వాని స్పెషల్ సాంగ్

అల్లు అర్జున్ - సుకుమార్ కాంబినేషన్లో 'పుష్ప' సినిమా రూపొందుతోంది. శేషాచలం అరెస్టులో జరిగే ఎర్రచందనం స్మగ్లింగ్ నేపథ్యంలో ఈ కథ నడుస్తుంది. స్మగ్లింగ్ చేసే బృందంలోని వ్యక్తిగా అల్లు అర్జున్ కనిపించనున్నాడు. ఇటీవల వదిలిన ఫస్టులుక్ కి అనూహ్యమైన రెస్పాన్స్ వచ్చింది. ఈ సినిమాలో కథానాయికగా రష్మికను తీసుకున్నారు.

సుకుమార్ సినిమాల్లో ఐటమ్ సాంగ్స్ దుమ్ము రేపేస్తుంటాయి. అందునా ఈ కథ అడవి నేపథ్యంలో సాగేది కావడంతో, ఆ స్థాయిలోనే ఒక ఐటమ్ సాంగ్ ను ప్లాన్ చేశాడట. ఈ సాంగ్ కోసం కైరా అద్వానీని సంప్రదిస్తున్నట్టుగా తెలుస్తోంది. కైరా అద్వాని ఒప్పుకునే అవకాశాలు ఎక్కువగా కనిపిస్తున్నాయని అంటున్నారు. ఇంతకుముందు కైరా అద్వాని .. చరణ్ జోడీగా 'వినయ విధేయ రామ' సినిమాలో చేసిన సంగతి తెలిసిందే.