జమ్మూకశ్మీర్ గవర్నర్ పై దాడులు చేయండి: ఉగ్రమూకలకు ఐఎస్ఐ ఆదేశాలు

జమ్మూకశ్మీర్ లెఫ్టినెంట్ గవర్నర్ గిరీశ్ చంద్ర ముర్మును పాకిస్థాన్ గూఢచార సంస్థ ఐఎస్ఐ టార్గెట్ చేసిందని ఇంటెలిజెన్స్ వర్గాలు హెచ్చరించాయి. లష్కరే తాయిబా, హజ్బుల్ ముజాహిదీన్ ఉగ్ర సంస్థలతో ఐఎస్ఐ సమావేశమయిందని... గిరీశ్ చంద్రపై దాడులు చేయాలంటూ ఈ సందర్భంగా ఆదేశాలు జారీ చేసిందని తెలిపింది. పీవోకేలోని కోట్లి ప్రాంతంలో ఈ సమావేశం జరిగిందని వెల్లడించింది.

ఇటీవల జరిగిన బ్లాక్ డెవలప్ మెంట్ కౌన్సిల్ ఎన్నికల్లో గెలుపొందిన అభ్యర్థులు కూడా ఉగ్రవాదుల లిస్ట్ లో ఉన్నట్టు ఇంటెలిజెన్స్ తెలిపింది. జమ్మూకశ్మీర్ లోని బీజేపీ కీలక నేతలు కూడా టెర్రరిస్టుల హిట్ లిస్టులో ఉన్నారని పేర్కొంది.