1990 నుంచి ఇలా చేస్తూనే ఉన్నా... విరాట్ కోహ్లీ షేర్ చేసిన రెండు ఫోటోలు వైరల్!

రెండు రోజుల క్రితం పాకిస్థాన్ తో మ్యాచ్ జరుగుతున్న సమయంలో కెప్టెన్ విరాట్ కోహ్లీ, ఓ విచిత్రమైన పోజునిస్తూ, వర్షం కోసం ఎదురుచూస్తున్నట్టుగా ఆకాశంవైపు చూడటం సామాజిక మాధ్యమాల్లో వైరల్ అయింది. ఆ సమయంలో నడుముపై రెండు చేతులూ పెట్టుకుని, మబ్బులవైపు కోహ్లీ చూస్తున్నట్టు ఉన్నాడు. ఈ ఫొటోపై ఎన్నో కామెంట్లు రాగా, కోహ్లీ మరోసారి స్పందించాడు.

 తాను చిన్నప్పటి నుంచి అదే పని చేస్తున్నానంటూ మరో ఫొటోను జోడించాడు. 1990లో తన చిన్నప్పుడు నడుముపై చేతులు ఉంచుకుని పోజిచ్చి దిగిన ఫొటోను అభిమానులతో పంచుకున్నాడు. ఈ రెండు ఫొటోలూ ఇప్పుడు వైరల్ అవుతున్నాయి. కాగా, పాక్ పై జరిగిన మ్యాచ్ లో భారత జట్టు 89 పరుగుల తేడాతో విజయం సాధించిన సంగతి తెలిసిందే. తరువాతి మ్యాచ్ ని ఇండియా జట్టు శనివారం నాడు ఆఫ్ఘనిస్థాన్ తో ఆడనుంది.