జ్యోతిక సోదరుడిగా కనిపించనున్న కార్తీ

జయాపజయాలను గురించి పెద్దగా పట్టించుకోకుండా, కార్తీ వరుస సినిమాలను చేస్తూ వెళుతున్నాడు. ఆయన తాజా చిత్రంగా ప్రేక్షకుల ముందుకు రావడానికి 'ఖైదీ' ముస్తాబవుతోంది. ఈ సినిమా తరువాత ఆయన చేయనున్న సినిమాలో జ్యోతిక ఒక కీలకమైన పాత్రను పోషించనుందనే టాక్ కోలీవుడ్లో బలంగా వినిపిస్తోంది. జ్యోతిక సోదరుడిగా ఆయన ఈ సినిమాలో కనిపించనున్నాడని అంటున్నారు.

మలయాళ దర్శకుడు .. 'దృశ్యం' ఫేమ్ జీతూ జోసెఫ్ దర్శకుడిగా వ్యవహరించనున్నాడు. ఈ సినిమాకి జ్యోతిక సోదరుడు సూరజ్ నిర్మాతగా వ్యవహరిస్తాడట. ఇక ఈ సినిమాలో కథానాయిక ఎవరు? మిగతా పాత్రల్లో ఏయే నటీనటులు కనిపించనున్నారు? అనే విషయాలు త్వరలోనే తెలియనున్నాయి. నిజ జీవితంలో జ్యోతికకి మరిది అయిన కార్తీ .. ఆమెకి సోదరుడిగా నటించడం ఆసక్తిని కలిగించే విషయమే మరి.