అభినందన్ భార్య ఎయిర్ ఫోర్స్ లో మాజీ స్క్వాడ్రన్ లీడర్
- స్క్వాడ్రన్ లీడర్ గా పదవీవిరమణ
- పేరు... తన్వీ మర్వాహా
- కుటుంబం మొత్తం దేశ సేవలోనే!
భారత్ లోనే కాదు పాకిస్థాన్ లో సైతం ఐఏఎఫ్ పైలెట్ అభినందన్ కు మద్దతు పెరుగుతుండడం ప్రజల దృక్పథంలో వస్తున్న మార్పుకు నిదర్శనం అని చెప్పాలి. అభినందన్ ను విడిచిపెట్టాలంటూ పాకిస్తానీలే అక్కడి ప్రభుత్వాన్ని డిమాండ్ చేస్తున్నారు. అత్యంత విచారకర పరిస్థితుల్లో శత్రువు చేత చిక్కినా ఎంతో గుండెనిబ్బరంతో భారతదేశ రహస్యాలను వెల్లడించని వైనం అభినందన్ ను ఒక్కసారిగా హీరోగా మార్చేసింది. నిజంగా దేశభక్తి అనేది అభినందన్ రక్తంలోనే ఉందని చెప్పాలి! ఆయన తండ్రి సింహకుట్టి వర్ధమాన్ ఎయిర్ ఫోర్స్ లోనే ఎయిర్ మార్షల్ వరకు ఎదిగారు. తండ్రి అడుగుజాడల్లోనే అభినందన్ కూడా వాయుసేనలో చేరి వింగ్ కమాండర్ ర్యాంక్ అందుకున్నారు.
ఆశ్చర్యం కలిగించే విషయం ఏమిటంటే... అభినందన్ సతీమణి తన్వీ మర్వాహా కూడా ఎయిర్ ఫోర్స్ లో పైలెట్ గా పనిచేశారు. స్క్వాడ్రన్ లీడర్ ర్యాంక్ వరకు పదోన్నతి పొందిన తన్వీ కొద్దికాలం కిందటే స్వచ్ఛంద పదవీ విరమణ చేసినట్టు సమాచారం. భారతీయ వాయుసేనలో ఆమె హెలికాప్టర్ పైలెట్ గా సేవలందించారు. అభినందన్, తన్వీ దంపతులకు ఒక కుమారుడు ఉన్నాడు. అభినందన్ ఫ్యామిలీ గత కొంతకాలంగా ఢిల్లీలో నివాసం ఉంటోంది. 2004లో ఎయిర్ ఫోర్స్ లో చేరిన అభినందన్ తన కొలీగ్ నే పెళ్లి చేసుకున్నారు.
ఆశ్చర్యం కలిగించే విషయం ఏమిటంటే... అభినందన్ సతీమణి తన్వీ మర్వాహా కూడా ఎయిర్ ఫోర్స్ లో పైలెట్ గా పనిచేశారు. స్క్వాడ్రన్ లీడర్ ర్యాంక్ వరకు పదోన్నతి పొందిన తన్వీ కొద్దికాలం కిందటే స్వచ్ఛంద పదవీ విరమణ చేసినట్టు సమాచారం. భారతీయ వాయుసేనలో ఆమె హెలికాప్టర్ పైలెట్ గా సేవలందించారు. అభినందన్, తన్వీ దంపతులకు ఒక కుమారుడు ఉన్నాడు. అభినందన్ ఫ్యామిలీ గత కొంతకాలంగా ఢిల్లీలో నివాసం ఉంటోంది. 2004లో ఎయిర్ ఫోర్స్ లో చేరిన అభినందన్ తన కొలీగ్ నే పెళ్లి చేసుకున్నారు.