60 ఏళ్లకు ఓ మారు వచ్చే శుభదినం నేడు!

శ్రీవిళంబి నామ సంవత్సరం మాఘ మాసం, పునర్వసు నక్షత్రం... 60 సంవత్సరాలకు వచ్చే ఈ శుభదినం నేడే. నేడు పునర్వసు నక్షత్రం మధ్యాహ్నం 2.23 గంటల వరకూ ఉంటుంది. ఈలోగా శ్రీరామకల్యాణం, అర్చన చేస్తే, సకల శుభాలూ సిద్ధిస్తాయని శ్రీ వైష్ణవ ఆగమ శాస్త్రం తెలుపుతోంది. ఇక ఇదే విషయాన్ని ఓ ప్రకటన ద్వారా వెల్లడించిన భద్రాచలం శ్రీ సీతారామచంద్ర స్వామి దేవస్థానం సంస్కృత పండితులు గుదిమెళ్ల శ్రీమన్నారాయణాచార్యులు, మళ్లీ ఇటువంటి రోజు కోసం 60 సంవత్సరాలు వేచి చూడాల్సివుంటుందని అన్నారు. నేడు శ్రీరాముని దర్శిస్తే, సకల శుభాలు, సౌఖ్యాలు కలుగుతాయని తెలిపారు.