ప్రభాస్ 'సాహో' మూవీ అప్ డేట్
- 50 శాతం చిత్రీకరణ పూర్తి
- జూలై నుంచి ప్రమోషన్స్
- ఆగస్టు 15వ తేదీన విడుదల
ప్రభాస్ అభిమానులందరి దృష్టి ఇప్పుడు 'సాహో' సినిమాపైనే వుంది. సుజిత్ దర్శకత్వం వహిస్తోన్న ఈ సినిమా విశేషాలు ఎప్పటికప్పుడు తెలుసుకోవడానికి అంతా కుతూహలాన్ని చూపుతున్నారు. ఈ సినిమాకి సంబంధించిన కీలకమైన సన్నివేశాలను చాలా వరకూ చిత్రీకరించారు. ఇప్పటికి ఈ సినిమా 50 శాతం చిత్రీకరణను పూర్తి చేసుకుంది.
మే నెల చివరినాటికి షూటింగు పార్టును పూర్తి చేసి, జూన్ లో మిగతా పనులను కానిచ్చేసి .. జూలై నుంచి ప్రమోషన్స్ మొదలుపెట్టాలనే నిర్ణయానికి వచ్చారట. ఆగస్టు 15వ తేదీన ఈ సినిమాను తెలుగు .. తమిళ .. హిందీ భాషల్లో విడుదల చేయనున్నారు. యూవీ క్రియేషన్స్ బ్యానర్ పై భారీ బడ్జెట్ తో నిర్మిస్తోన్న ఈ సినిమాలో కథానాయికగా శ్రద్ధా కపూర్ కనిపించనుంది. పలువురు హాలీవుడ్ సాంకేతిక నిపుణులు ఈ సినిమా కోసం పనిచేస్తున్నారు. ఇండియాలోనే భారీ విజువల్స్ తో రానున్న తొలి సినిమా ఇదేనని అంటున్నారు.
మే నెల చివరినాటికి షూటింగు పార్టును పూర్తి చేసి, జూన్ లో మిగతా పనులను కానిచ్చేసి .. జూలై నుంచి ప్రమోషన్స్ మొదలుపెట్టాలనే నిర్ణయానికి వచ్చారట. ఆగస్టు 15వ తేదీన ఈ సినిమాను తెలుగు .. తమిళ .. హిందీ భాషల్లో విడుదల చేయనున్నారు. యూవీ క్రియేషన్స్ బ్యానర్ పై భారీ బడ్జెట్ తో నిర్మిస్తోన్న ఈ సినిమాలో కథానాయికగా శ్రద్ధా కపూర్ కనిపించనుంది. పలువురు హాలీవుడ్ సాంకేతిక నిపుణులు ఈ సినిమా కోసం పనిచేస్తున్నారు. ఇండియాలోనే భారీ విజువల్స్ తో రానున్న తొలి సినిమా ఇదేనని అంటున్నారు.