కాపీ వివాదంలో త్రిష హిట్ మూవీ!
- '96' కథ నా అసిస్టెంట్ రాశాడు
- అతని ఫ్రెండ్ ద్వారా కథ బయటికి వెళ్లింది
- భారతీరాజా ఆరోపణల్లో నిజం లేదు
ఈ మధ్య కాలంలో కథల కాపీ విషయంలో వివాదాల సంఖ్య పెరుగుతూ వస్తోంది. అంతా అయ్యాక ఆ కథ తనది అంటూ మరో రచయిత రావడం, కొన్ని కోర్టువరకూ వెళితే మరొకొన్ని పెద్ద మనుషుల సమక్షంలో రాజీకి వచ్చేయడం జరుగుతోంది. అలాగే తాజాగా త్రిష సినిమా '96' చుట్టూ కాపీ వివాదం ముసురుకుంటోంది. విజయ్ సేతుపతి .. త్రిష జంటగా నటించిన ఈ సినిమాకి ప్రేమ్ కుమార్ దర్శకత్వం వహించాడు.
దర్శకుడు భారతీరాజా మాట్లాడుతూ, 'నా అసిస్టెంట్ సురేశ్ రాసుకున్న కథ ఇది. ఈ కథ మరుధ పాండియన్ అనే వ్యక్తి ద్వారా ప్రేమ్ కుమార్ కి వెళ్లింది. గతంలో సురేశ్ కి స్నేహితుడిగా వున్న మరుధ పాండియన్ మోసం చేశాడు' అన్నారు. ఈ విషయంపై ప్రేమ్ కుమార్ స్పందిస్తూ .. 'ఈ ఆరోపణల్లో ఎంతమాత్రం వాస్తవం లేదు. అందరి జీవితాల్లో కామన్ గా జరిగే సంఘటనలతో ఈ కథను రూపొందించాను. ఈ సినిమా హిట్ కావడం వలన ఇలా కుట్ర చేస్తున్నారు. ఈ వివాదాన్ని చట్టపరంగా ఎదుర్కోవడానికి నేను సిద్ధంగా వున్నాను' అని చెప్పుకొచ్చాడు.
దర్శకుడు భారతీరాజా మాట్లాడుతూ, 'నా అసిస్టెంట్ సురేశ్ రాసుకున్న కథ ఇది. ఈ కథ మరుధ పాండియన్ అనే వ్యక్తి ద్వారా ప్రేమ్ కుమార్ కి వెళ్లింది. గతంలో సురేశ్ కి స్నేహితుడిగా వున్న మరుధ పాండియన్ మోసం చేశాడు' అన్నారు. ఈ విషయంపై ప్రేమ్ కుమార్ స్పందిస్తూ .. 'ఈ ఆరోపణల్లో ఎంతమాత్రం వాస్తవం లేదు. అందరి జీవితాల్లో కామన్ గా జరిగే సంఘటనలతో ఈ కథను రూపొందించాను. ఈ సినిమా హిట్ కావడం వలన ఇలా కుట్ర చేస్తున్నారు. ఈ వివాదాన్ని చట్టపరంగా ఎదుర్కోవడానికి నేను సిద్ధంగా వున్నాను' అని చెప్పుకొచ్చాడు.