మంత్రి కేటీఆర్‌ను వివాహానికి ఆహ్వానించిన ఏపీ మంత్రి అఖిలప్రియ
- కేటీఆర్‌కు శుభలేఖను అందించిన అఖిలప్రియ
- జ్ఞాపికను అందించిన కేటీఆర్
- ఆగస్టు 29న వివాహం
తన వివాహ వేడుకకు రావాల్సిందిగా ఏపీ మంత్రి అఖిలప్రియ తెలంగాణ మంత్రి కేటీఆర్‌ను ఆహ్వానించారు. కాబోయే భర్త భార్గవ్‌తో కలిసి గురువారం హైదరాబాద్‌లో కేటీఆర్‌ను కలిసి ఆమె వివాహ ఆహ్వాన పత్రికను అందించారు. ఈ సందర్భంగా అఖిలప్రియ, భార్గవ్‌లకు మంత్రి కేటీఆర్ జ్ఞాపికను బహూకరించి శుభాకాంక్షలు తెలిపారు. ఉమ్మడి ఆంధ్ర్రప్రదేశ్‌లో అఖిలప్రియ తల్లి దివంగత భూమా శోభా నాగిరెడ్డి, తాను 2009-2014 మధ్య శాసనసభ్యులుగా పనిచేశామని కేటీఆర్ గుర్తు చేసుకున్నారు. ఆగస్టు 29న అఖిలప్రియ వివాహం జరగనుంది.