సినిమా కబుర్లు.. సంక్షిప్త సమాచారం!

*  'ఈమధ్య యోగాకి బాగా ఎడిక్ట్ అయిపోయాను' అంటోంది కథానాయిక అమలాపాల్. 'వర్తమానంలో జీవించడాన్ని యోగా మనకు నేర్పుతుంది. అందుకే ప్రతి రోజూ యోగా చేయనిదే ఉండలేను. ఈమధ్య ఎంతో కష్టపడి శీర్షాసనం కూడా నేర్చుకున్నాను. ఈ ఆసనం వల్ల మనసు ఎంతో తేలికపడుతుంది. అందుకే కష్టమైనా పట్టుబట్టి మరీ నేర్చుకున్నాను' అని చెప్పింది అమల.  
*  సుజిత్ దర్శకత్వంలో ప్రభాస్ నటిస్తున్న 'సాహో' చిత్రం కోసం ప్రస్తుతం దుబాయ్ లో భారీ ఎత్తున యాక్షన్ దృశ్యాలను, చేజింగ్ సన్నివేశాలను చిత్రీకరిస్తున్నారు. హాలీవుడ్ స్టంట్ మాస్టర్ కెన్నీ బేట్స్ నేతృత్వంలో చిత్రీకరిస్తున్న ఈ చేజింగ్ దృశ్యాలలో వోల్వో బస్సులు, లావిష్ కార్లు, స్పోర్ట్స్ బైకులు వినియోగిస్తున్నారు.
*  తమిళ స్టార్ హీరో అజిత్ నటిస్తున్న తాజా చిత్రం పేరు 'విశ్వాసం'. ఎమోషనల్ యాక్షన్ డ్రామాగా రూపొందుతున్న ఈ చిత్రం తాజా షెడ్యూలు షూటింగు ను ఈ నెల 7 నుంచి హైదరాబాదులో నిర్వహిస్తారు. నయనతార హీరోయిన్ గా నటిస్తున్న ఈ చిత్రానికి శివ దర్శకత్వం వహిస్తున్నాడు.  
*  గోపీచంద్ హీరోగా నూతన దర్శకుడు చక్రవర్తి దర్శకత్వంలో రూపొందుతున్న 'పంతం' చిత్రం క్లైమాక్స్ దృశ్యాలను ప్రస్తుతం రామోజీ ఫిలిం సిటీలో చిత్రీకరిస్తున్నారు. మెహ్రీన్ హీరోయిన్ గా నటిస్తున్న ఈ చిత్రం పాటలను త్వరలో యూకేలో చిత్రీకరిస్తారు.