'అత్తారింటికి దారేది' తరువాత మళ్లీ రామ్ మూవీకి ఓకే చెప్పింది!

తెలుగు తెరపై అల్లు అర్జున్ తరువాత అంత జోష్ తో కథను పరుగులు తీయించే హీరోగా రామ్ కనిపిస్తాడు. అలాంటి రామ్ కి 'నేను శైలజ' తరువాత ఆ స్థాయి హిట్ పడలేదు. దాంతో ఆయన చెప్పుకోదగిన హిట్ కోసం ఎదురుచూస్తున్నాడు. ఈ నేపథ్యంలోనే ఆయన త్రినాథరావు నక్కినకి గ్రీన్ సిగ్నల్ ఇచ్చాడు. పూర్తి వినోదభరితంగా కొనసాగే ఈ ప్రేమకథకి 'హలో గురు ప్రేమకోసమే' అనే టైటిల్ ను ఫిక్స్ చేసుకున్నారు.

 ఈ సినిమాలో ఒక కథానాయికగా అనుపమ పరమేశ్వరన్ ను ఎంపిక చేసుకున్నారు. మరో కథానాయికగా ప్రణీతను తీసుకున్నారనేది తాజా సమాచారం. 'అత్తారింటికి దారేది' సినిమాతో హిట్ పడినప్పటికీ ఈ సుందరి పెద్దగా సినిమాలను అంగీకరించలేదు. ఈ సినిమాలో తన పాత్రకి ప్రాధాన్యత ఉండటంతో ఓకే చెప్పేసిందని అంటున్నారు. దిల్ రాజు నిర్మిస్తోన్న ఈ సినిమాకి దేవిశ్రీ ప్రసాద్ సంగీతాన్ని సమకూర్చుతున్నాడు .