ranveer singh: 'టెంపర్' రీమేక్ ఫస్ట్ లుక్ ఇదే... క్రేజీగా రణ్ వీర్ సింగ్!

ప్రముఖ సినీ నటుడు జూనియర్ ఎన్టీఆర్‌ కథానాయకుడిగా నటించిన ‘టెంపర్‌’ తెలుగులో సూపర్ హిట్ గా నిలిచిన సంగతి తెలిసిందే. ఈ సినిమాను రోహిత్ శెట్టి దర్శకత్వంలో కరణ్ జొహార్ హిందీలో రీమేక్ చేస్తున్నాడు. దీనికి ‘సింబా’ అనే టైటిల్‌ ను ఖరారు చేశారు. ఈ సినిమాలో రణ్ వీర్ సింగ్ ప్రధాన పాత్ర పోషిస్తుండగా, ఆ పాత్ర పేరు 'సంగ్రామ్ సింగ్'. తాజాగా ఈ సినిమా ఫస్ట్ లుక్ విడుదల చేశారు.

బాలీవుడ్ లో ఎనర్జీకి మారుపేరైన నటుడిగా పేరుతెచ్చుకున్న రణ్ వీర్ సింగ్, ఈ సినిమా ఫస్ట్ లుక్ లో క్రేజీగా కనిపిస్తున్నాడు. పాతతరం సినిమా పోస్టర్ ను తలపించేలా డిజైన్ చేసిన ఫస్ట్ లుక్ బాలీవుడ్ సినీ ప్రేమికులను ఆకట్టుకుంటోంది. ఈ సినిమాను ధర్మ ప్రొడక్షన్స్‌, రిలయన్స్‌ ఎంటర్‌ టైన్‌ మెంట్స్‌, ఆర్‌ఎస్‌ పిక్చర్స్‌ సంయుక్తంగా నిర్మిస్తున్నాయి. 2018 ఆరంభంలో షూటింగ్ ప్రారంభించి అదే ఏడాది డిసెంబర్‌ 28న సినిమా విడుదల చేయాలని నిర్మాత భావిస్తున్నాడు.