కేపీహెచ్బీ కాలనీలో వ్యభిచార ముఠా గుట్టు రట్టు

హైదరాబాదులోని కేపీహెచ్బీ కాలనీలో గుట్టు చప్పుడు కాకుండా కొనసాగుతున్న వ్యభిచార ముఠా గుట్టు రట్టయింది. కాలనీలోని 6వ ఫేజులో వ్యభిచారం నడుస్తోందనే పక్కా సమాచారంతో పోలీసులు ఆకస్మికంగా తనిఖీలను నిర్వహించారు. ఈ దాడుల్లో పశ్చిమబెంగాల్ కు చెందిన ఓ యువతితో పాటు పలువురు విటులను పోలీసులు అదుపులోకి తీసుకున్నారు. నిందితుల వద్ద నుంచి రూ. లక్షా 32 వేల నగదు, 4 సెల్ ఫోన్లను స్వాధీనం చేసుకున్నారు.

వ్యభిచార గృహ నిర్వాహకులు ఓ భవనాన్ని అద్దెకు తీసుకుని ఈ వ్యవహారాన్ని నడిపిస్తున్నారు. ఫోన్ల ద్వారా విటులకు గాలం వేసి, రప్పించుకుంటున్నారు. ఇరుగు పొరుగు వారికి అనుమానం రాకుండానే ఈ తతంగాన్ని సైలెంట్ గా కొనసాగిస్తున్నారు.