సినిమా కబుర్లు.. సంక్షిప్త సమాచారం!

*  అందాల తాప్సీ హాకీ ప్లేయర్ గా నటిస్తోంది. మాజీ హాకీ ప్లేయర్ సందీప్ సింగ్ జీవిత కథ ఆధారంగా తెరకెక్కుతున్న 'సూర్మ' అనే హిందీ చిత్రంలో తాప్సీ అతని ప్రేయసిగా హాకీ ప్లేయర్ పాత్రలో కనిపిస్తుంది. ఈ చిత్రం షూటింగ్ ప్రస్తుతం హర్యానాలోని షహబాద్ లో జరుగుతోంది.
*  నందమూరి బాలకృష్ణ హీరోగా కేఎస్ రవికుమార్ దర్శకత్వంలో రూపొందుతున్న 'జైసింహా' చిత్రం షూటింగ్ నిరవధికంగా కొనసాగుతోంది. ఇదిలా ఉంచితే, ఈ చిత్రం సీడెడ్ హక్కులను సాయి కొర్రపాటి, ఎన్వీ ప్రసాద్ కలసి ఫ్యాన్సీ రేటుకి దక్కించుకున్నట్టు సమాచారం. వచ్చే సంక్రాంతికి ఈ చిత్రం ప్రేక్షకుల ముందుకు రానుంది.
*  నయనతార కలెక్టర్ గా నటించిన 'ఆరం' తమిళ చిత్రం బాక్సాఫీసు వద్ద మంచి విజయాన్ని సాధించడంతో దీనికి సీక్వెల్ చేసే ఆలోచన చేస్తున్నారు. ఈ విషయం గురించి చిత్ర దర్శకుడు గోపీ నైనార్ చెబుతూ, సీక్వెల్ తప్పకుండా చేస్తామని, త్వరలోనే ఆ పనులను మొదలుపెడతామని అన్నారు. కాగా, ఈ చిత్రాన్ని 'కర్తవ్యం' పేరిట తెలుగులో విడుదల చేస్తున్నారు.
*  పవన్ కల్యాణ్, త్రివిక్రమ్ శ్రీనివాస్ కాంబినేషన్లో రూపొందుతున్న 'అజ్ఞాతవాసి' చిత్రం ఆడియోను వచ్చే నెల 14న విడుదల చేయడానికి సన్నాహాలు జరుగుతున్నాయి. ఈ చిత్రానికి సంబంధించిన పాటల చిత్రీకరణ బల్గేరియాలో జరుగుతోంది.