మళ్లీ తగ్గిన శాంసంగ్ ‘సీ9 ప్రొ’ ధర!

ప్రముఖ మొబైల్ మేకర్ శాంసంగ్ ఇటీవల విడుదల చేసిన ‘సీ9 ప్రొ’ మొబైల్ ధరను మరోమారు భారీగా తగ్గించింది. 6జీబీ ర్యామ్‌తో శాంసంగ్  నుంచి వచ్చిన తొలి ఫోన్ ఇది. జనవరిలో ఈ ఫోన్‌ను భారత మార్కెట్లోకి విడుదల చేసింది. దీని అసలు ధర రూ.36,900 కాగా, జూన్‌లో రూ. 5వేలను తగ్గించింది. దీంతో రూ.31,900కే అందుబాటులోకి వచ్చింది. ఇప్పుడు దానిపై మరో రూ.2 వేలు తగ్గించి రూ.29,900కే అందిస్తున్నట్టు ప్రకటించింది. శాంసంగ్ స్టోర్లు, ఈ-కామర్స్ సైట్ల నుంచి శాంసంగ్ ‘సీ 9 ప్రొ’ను కొనుగోలు చేసుకోవచ్చని తెలిపింది.

ఫీచర్లు : ఆరంగుళాల హెచ్‌డీ డిస్‌ప్లే, 6 జీబీ ర్యామ్, 64 జీబీ ఇంటర్నల్ మెమొరీ, 256 జీబీ వరకు పెంచుకునే వెసులుబాటు, ఆండ్రాయిడ్ మార్ష్ మాలో ఆపరేటింగ్ సిస్టం, ఆక్టా-కోర్ క్వాల్ కామ్ స్నాప్ డ్రాగన్ 653 ప్రాసెసర్, ముందు, వెనక 16 ఎంపీ కెమెరాలు, 4000 ఎంఏహెచ్ బ్యాటరీ