చైతూ జోడీగా అనూ ఇమ్మాన్యుయేల్ ఖరారు .. వచ్చేనెల నుంచి సెట్స్ పైకి!

మారుతి దర్శకత్వంలో నాగచైతన్య ఒక సినిమా చేయనున్న సంగతి తెలిసిందే. ఈ సినిమాలో కథానాయిక పాత్ర కోసం అనూ ఇమ్మాన్యుయేల్ ను సంప్రదిస్తున్నట్టుగా వార్తలు వచ్చాయి. ఆమె ఎంపిక ఖరారైందనేది తాజా సమాచారం. 'భలే భలే మగాడివోయ్' .. 'మహానుభావుడు' తరహాలోనే ఈ సినిమాలోనూ హీరో ఒక డిజార్డర్ తో బాధపడుతూ ఉంటాడనే టాక్ వచ్చింది. కానీ అందులో నిజం లేదని తెలుస్తోంది.

ఇది ఒక విభిన్నమైన ప్రేమకథాంశమని అంటున్నారు. సితార ఎంటర్టైన్మెంట్స్ బ్యానర్ వారు నిర్మిస్తోన్న ఈ సినిమా, వచ్చే నెల నుంచి రెగ్యులర్ షూటింగును మొదలెట్టనుంది. 'యుద్ధం శరణం' సినిమా ఫలితం నిరాశ పరచడంతో, ఈ సినిమా తనకి తప్పకుండా హిట్ ఇస్తుందనే నమ్మకంతో చైతూ వున్నాడని చెబుతున్నారు. ఇక అనూ ఇమ్మాన్యుయేల్ కూడా ఈ సినిమా తన కెరియర్ కి హెల్ప్ అవుతుందనే ఆశాభావంతో వుంది.