సెన్సార్ పూర్తి చేసుకున్న 'రాజుగారి గది 2'

ఓంకార్ దర్శకత్వంలో రూపొందిన 'రాజుగారి గది 2' విడుదలకి ముస్తాబవుతోంది. ఈ నెల 13వ తేదీన ఈ సినిమా భారీ స్థాయిలో ప్రేక్షకుల ముందుకు వస్తోంది. తాజాగా సెన్సారు కార్యక్రమాలను పూర్తి చేసుకున్న ఈ సినిమా, యు/ఎ సర్టిఫికేట్ ను సంపాదించుకుంది. నాగార్జున మొదటిసారిగా నటించిన హారర్ థ్రిల్లర్ మూవీ ఇది.

ఈ తరహా సినిమాలు చేయమంటూ గతంలో చాలా ఆఫర్లు వచ్చినా చేయలేదనీ, ఆ కథలన్నింటికీ భిన్నంగా ఉండటం వలన ఈ సినిమాను అంగీకరించానని నాగార్జున అనడంతో మరింతగా అంచనాలు పెరిగిపోయాయి. ఇప్పటి వరకూ గ్లామర్ పాత్రలు చేస్తూ వచ్చిన సమంతా, ఈ సినిమాలో దెయ్యంగా కనిపించనుండటం విశేషం. ఈ సినిమా పట్ల ఆసక్తి పెరగడంలో ఈ విషయం ప్రధానమైన పాత్రను పోషిస్తోంది. అభిమానులంతా ఈ సినిమా రిలీజ్ డేట్ కోసం ఆత్రుతగా ఎదురుచూస్తున్నారు.