నమ్మకం పోకూడదనే ఇలా చేశా!: బోయపాటి

బోయపాటి దర్శకత్వంలో తెరకెక్కిన 'జయ జానకి నాయక' ఈ రోజున భారీస్థాయిలో ప్రేక్షకుల ముందుకు వచ్చింది. చిన్న హీరోతో పెద్ద బడ్జెట్ లో ఈ సినిమాను తెరకెక్కించిన సాహసం బోయపాటి సొంతం. అలాంటి ఈ సినిమాను క్రేజ్ వున్న రెండు సినిమాలతో పోటీ పడుతూ రంగంలోకి దిగడం కూడా ఆయన సాహసమే.

అయితే ఈ విషయంలో తాను పంతానికి పోలేదని బోయపాటి అన్నారు. ముందుగా ఈ సినిమాను జూన్ 23వ తేదీన రిలీజ్ చేయాలనుకున్నామనీ .. ఆ తరువాత జూలై 7వ తేదీన విడుదల చేద్దామనుకున్నామని చెప్పారు. ఆ రెండు తేదీల్లోను కొన్ని కారణాల వలన రాలేకపోయామని అన్నారు. ఇప్పుడు కూడా రిలీజ్ డేట్ వాయిదా వేసుకుంటే తనపై బయ్యర్లకి నమ్మకం పోతుందని చెప్పారు. బడ్జెట్ ను .. వసూళ్లను దృష్టిలో పెట్టుకుని రాక తప్పలేదని చెప్పుకొచ్చారు.