'శ్రీమంతుడు' చూస్తుంటే వెంకయ్యనాయుడికి బాల్యం గుర్తొచ్చిందట

మహేష్ బాబు నటించిన 'శ్రీమంతుడు' చిత్రాన్ని కేంద్ర మంత్రి వెంకయ్యనాయుడు వీక్షించారు. ఆ సినిమా చూస్తుంటే తనకు బాల్యం గుర్తొచ్చిందని చెప్పారు. మంచి సందేశాత్మక చిత్రమని ప్రశంసించారు. ఢిల్లీలో ఈ మేరకు ఎంపీలు గల్లా జయదేవ్, రామ్మోహన్ నాయుడు, శ్రీమంతుడు నిర్మాత తనను కలసిన సమయంలో ఆయన పైవిధంగా స్పందించారు. ప్రస్తుత చిత్రాల్లో అశ్లీలత ఎక్కువగా ఉంటుందని, కానీ శ్రీమంతుడులో విజ్ఞానం, వినోదం ఉన్నాయని అన్నారు. కన్నతల్లి, జన్మభూమి, మాతృదేశాన్ని ఎవరూ మరవద్దని ఆయన సూచించారు. స్వచ్ఛ భారత్ ను కూడా ప్రమోట్ చేస్తూ సినిమా తీయాలని నిర్మాతకు వెంకయ్య ఈ సందర్భంగా సూచించారు. తెలుగు రాష్ట్రాల ఎంపీల కోసం జయదేవ్ నిన్న(మంగళవారం) ఢిల్లీలో 'శ్రీమంతుడు' ప్రత్యేక షో ఏర్పాటు చేశారు. టీడీపీ, కాంగ్రెస్, వైసీపీతో పాటు టీఆర్ఎస్ ఎంపీలను కూడా ఈ షోకు ఆహ్వానించారు. అదే సమయంలో వెంకయ్య సినిమా వీక్షించారు.